Оқиға • 09 Шілде, 2024

Алматыда бұрынғы әйелін соққыға жыққан ер адамға қатысты сот үкімі шықты

75 рет
көрсетілді
1 мин
оқу үшін

Алматыдағы тұрғын үйлердің бірінде бұрынғы әйелін соққыға жыққан ер адам жауапкершілікке тартылды.  Сот оны кінәлі деп танып, бір жылға бас бостандығынан айырды, деп хабарлайды Egemen.kz.

Алматыда бұрынғы әйелін соққыға жыққан ер адамға қатысты сот үкімі шықты

Фото:turaninfo.kz

Алматы қаласының Наурызбай аудандық сотында әйелге қол көтерген айыпталушы М-ға қатысты қылмыстық іс қаралды. Сот анықтағандай, сотталушы бұрын бірге тұрған әйелді үйдің кіреберісінде бірнеше рет ұрып, денсаулығына жеңіл зиян келтірген.

«Сотталушының кінәсі жәбірленушінің айғақтарымен және қылмыстық істің басқа да материалдарымен дәлелденді. Айыпталушы кінәсін мойындады», делінген хабарламада.

Сотталушы бұзақылық жасағаны үшін кінәлі деп танылып, оған 1 жыл бас бостандығын шектеу түріндегі жаза тағайындалды.

Үкім заңды күшіне енген жоқ.