Ауыл тұрғындары өз үйлерінің сыртқы бөлігін шағын кітапханаға айналдырып, кез келген саяхатшыға кітап оқуға мүмкіндік береді. Туристер бұл жерде көне әдебиеттер мен сирек кездесетін кітаптарды таба алады. Бастама алғаш 2010 жылы қолға алынған.
Жаңбырлы орманның тылсымы
Мексиканың Юкатан түбегіндегі Хоффман орманы – табиғаттың ғажайып құбылыстарымен танылған ерекше мекен. Ғалымдар бұл орманның атмосфераға теріс иондарды бөліп шығаратынын,оның жауын-шашынның жиі түсуіне ықпал ететінін дәлелдеген.
Теріс иондар ауада тұрақты ылғалдылықты сақтап, табиғатқа өзіндік климаттық тепе-теңдік орнатады. Хоффман орманының ағаштары ерекше құрылымымен таңғалдырады: олардың жапырақтары ауадағы ылғалды сіңіріп, оны қайтадан буландыру арқылы айналымға енгізеді. Бұл құбылыс ормандағы тұрақты ылғалдылықты сақтап қана қоймай, жиі кемпірқосақ шығады. Туристер осындай табиғи сұлулықты тамашалауға келсе, жергілікті тұрғындар бұл орманды «жердің көзі» деп атайды. Олардың айтуынша, орман жердің тіршілікті сақтап тұратын «жанарындай» көрінеді.
Көбейетін тастар
Жапонияның Ойши тауларындағы тастар әр 10-15 жыл сайын екіге бөлініп, ішінен жаңа тастар пайда болады. Бұл құбылыс – табиғаттың әлі ашылмаған жұмбақтарының бірі.
Ғалымдар бұл ерекше тастардың пайда болуын минералдардың өзіндік құрылымымен, жерастындағы қысымның әсерімен байланыстырады. Зерттеушілердің пікірінше, тастардың «көбею» үдерісі жер қойнауындағы жоғары қысым мен минералдардың химиялық құрамына байланысты жүзеге асады. Осы құбылысты зерттеген ғалымдар жаңа құрылыс материалдарын жасауға қажетті ақпарат жинап жатыр. Олар табиғаттың ерекше механизмдерін технологияға енгізуді көздейтінін айтады.
Дайындаған –
Ерлан КИІКБАЙ,
Еуразия ұлттық университетінің студенті
