Республикалық «Браконьер» шарасының шеңберінде заңсыз аңшылықты бақылауға шыққан полицейлер Тайынша ауданындағы күдіктінің үйіне келгенде оның қорасынан жайрап жатқан бес елікті тапқан. Жануарлар 43 жастағы азаматтың қолынан оққа ұшқаны белгілі болды. Оның ТОЗ-34 маркалы мылтығы тәркіленді. Табиғатқа келтірілген шығын 7 млн теңгенің шамасында.
Екінші браконьер Айыртау ауданында атпен жүргенде ұсталды. Ол ешқайда тіркелмеген ИЖ-17 маркалы мылтықпен үш елікті атып тастаған. Екі іс бойынша да қылмыстық іс қозғалып, сотқа жіберуге дайындалып жатыр.
Солтүстік Қазақстан облысы
