Фото: Астана қаласы әкімдігі
Елордада 7 мамырда концерттер мен әскери шерудің тікелей эфирі сағат 11:00-ден бастап үлкен LED экрандарда көрсетіледі. Айта кеткен жөн, шеру бірден бірнеше орында көрсетіледі.
«1. Елорда әкімдігі ғимаратының жанындағы қалалық алаңда (тікелей эфир және мерекелік концерт);
- «Астана Арена» стадионының аумағында (тікелей эфир және мерекелік концерт);
- «Astana Music Hall» автотұрақ аумағы (Құмыра) Б.Момышұлы даңғылы, 1 (тек тікелей трансляция)», деп хабарлады елорда әкімдігінің ресми сайты.
Сонымен бірге, аталған ауқымды іс-шара республикалық телеарналардың тікелей эфирінде көрсетіледі.
Сол орайда шеру өтетін ауданда көлік қозғалысы шектелетіндіктен, қозғалыс бағытын алдын ала жоспарлау және өзгерістерді ескеру және Құқық қорғау органдары қызметкерлерінің қауіпсіздік ережелері мен нұсқауларын сақтау сұралып отыр.
«Көрсетілген учаскелерден өту және жол жүру барлық іс-шара аяқталғаннан кейін қайта жанданады», делінген хабарламада.
