Әріптестікті әлеуеттендіруге ниетті

Тараптар кейінгі жылда­ры Қазақстан – Оман қа­тынастарының белсенді түр­де дамып келе жатқанын атап өтті. Серік Жұманғарин Қазақстан Оман Сұлтанды­ғын Таяу Шығыстағы ма­ңыз­ды және сенімді әріптес ретінде қарастыратынын ерек­ше атап өтті.

Оман қаржы министрі өз кезегінде Оман 1992 жылы Каспий құбыр консорциумын (КҚК) құру жөніндегі жобаға қатысқан кезден бас­тап тәуел­сіз Қазақ­стан эко­номикасын­дағы ал­ғашқы ин­вестордың бірі бол­ғанын еске алды. Ол өз елі­нің инвес­тициялық ын­ты­­мақ­тастық­ты одан әрі да­мытуға мүд­делі екенін мақұл­дап, сондай-ақ Қазақ­станнан инвестиция қа­был­дауға дайын екенін білдірді.

Келіссөзде көлік-логис­ти­калық өзара іс-қимыл мә­селесіне ерекше назар ауда­рылды. Оманның стра­те­гия­лық географиялық жағ­да­йын, оның Таяу Шығыстағы ірі логистикалық хабқа айналу жоспарын ескере отырып, Қазақстан тарапы Иран аумағы арқылы «Қазақстан – Оман» жаңа халықаралық көлік дәлізін құру мүмкін­дігін қарастыруды ұсын­ды. Бастаманы егжей-тег­жей­лі пы­сықтау мақсатында Қазақ­стан, Оман және Иран сарап­шыларының қаты­суы­мен үш жақты жұмыс тобы құрылуға тиіс.

Бұдан басқа, транзит­тік тасымал көлемін ұлғайту және «Солтүстік – Оңтүстік» халық­аралық көлік дәлізі­нің инфрақұрылымын бірлесіп дамыту жұмысының келе­­шегі талқыланды.

Бүгінде Оманның Қазақ­стан экономикасына сал­ған инвестициясының жиын­тық көлемі – 253 млн доллар. Бұл ретте қос тарап ­екі­­жақ­ты әріптестіктің бола­шағы бұл көрсеткіштен едәуір асып түсетінін атап өтті.

«Оман инвестициялық банкінің 500 млн доллар көле­мінде қаржы сала­тын бір­лескен ин­вес­ти­ция­­лық қор құру жөнін­де­гі бас­та­масы біздің зор қы­­зы­ғу­шы­лығы­мызды ту­ғыз­ды. Қазақ­стан Үкіметі са­лық­тық пре­ференцияларға, ин­дустрия­лық аймақтарға қол жеткі­зу­мен инфра­құры­лымдық қол­дау көрсете отырып, жаңа инвесторларды тартуға жағдай жасауға дайын», деп атап өтті С.Жұманғарин.

Қазақстан тарапы да энергетика, тау-кен металлургия өнеркәсібі, АӨК, фармацев­тика мен сауда сияқты келе­шегі зор салаларда ын­тымақ­тастықты арттыруға мүд­делі. Оман өз тарапынан ло­­гис­тикалық әріптестікке де­ген сенімі жоғары екенін атап көр­сетіп, Сұлтандық­тың ин­фра­құрылымы ірі жүк ­қа­был­дауға және ауысты­­рып тиеуге толық дайын екенін мә­лімдеді. Қазақстан асты­­ғын жеткізуге мұқият назар ауда­рылды. Оман сұлтандық­қа астық жеткізуге қызығушы­лық білдіріп, Таяу Шығыстағы астық экспортын тарату хабы болуға дайын екенін мәлім-деді.

Кездесу соңында тарап­­тар бастамаларды са­рап­тама­­­­лық деңгейде тал­қы­лау­ға ­уағ­даласты. Тал­қы­лан­ған сала­ларда шын мәнін­дегі ын­ты­мақтастық­қа әзір еке­­нін жеткізді.