Сурет: unicraft.org
Курс барысында қатысушылар жасанды интеллектінің негізгі ұғымдарымен танысады, «ChatGPT», «Gemini», «Copilot» сынды заманауи ЖИ құралдарды жетік меңгереді. Сонымен қатар олар қайталанып отыратын тапсырмаларды автоматтандырып, уақытты тиімді басқару, контент жасау мен жеке жұмыс үдерістерін оңтайландыру әдістерін үйренеді. Бұдан бөлек қатысушылар Telegram арналарға ЖИ технологияларын біріктіру жолдарын тәжірибе жүзінде байқап көреді.
Жалпы, бағдарлама мазмұны HR, маркетинг, құқық, қаржы, аналитика сынды түрлі саладағы мамандарға да, технологияны кәсібіне ендіргісі келетін кәсіпкер әйелдерге де пайдалы болмақ.
Курс соңында қатысушылар арнайы сертификатқа ие болып, одан соң Алматыда өтетін офлайн іс-шараға шақырту алады. Сонымен қатар кәсіби байланыстар орнатуға, тәжірибе алмасуға арналған пікірлес қауымдастыққа қосылуға мүмкіндік туады.
Айта кетейік, бұл бағдарлама «EPAM Kazakhstan», Жасанды интеллектіні дамыту қауымдастығы, Алматы қаласының әкімдігі, «Әлеуметтік динамика» қоғамдық қоры және «Darlean» компаниясының қолдауымен жүзеге асады.
