Әкімдіктің мәліметінше, субсидияланған рейсті «SCAT» әуе компаниясы жүзеге асырады. Жолаушылар аптасына 2 рет – сейсенбі және бейсенбі күндері қатынайтын болады. Билет бағасы – 15 000 теңге.
Жаңа бағыттың ашылуы тұрғындарға қолайлы әрі қолжетімді бағада сапарлауға мүмкіндік береді.
– Бірнеше жыл бұрын «Қарағанды-Семей» бағытындағы әуе қатынасы жабылып қалған еді. Қайтадан ашылғанына өте қуаныштымыз. Семейден Қарағандыға келу үшін Астана арқылы пойызбен жүретінбіз. Қазір жолаушыларға өте ыңғайлы. Бір жарым сағат шамасында Семейге жетіп аламыз, – деді Қарағанды қаласының тұрғыны.
Қазір Семей қаласынан «Семей – Алматы», «Семей – Астана», «Семей – Үржар», «Семей – Қарағанды» бағыттары бойынша әуе рейстері бар. Аталған рейстерді «FlyArystan», «Оңтүстік аспаны», «SCAT» әуе компаниялары жүзеге асырып келеді.
Ал бұл бүгінгі жаңа бағыт республикалық бюджеттен субсидия берілген және Көлік министрлігінің Азаматтық авиация комитетінің және Абай облысы әкімдігінің қолдауымен ашылып отыр.
Абай облысы
