Компанияның мәліметінше, АҚШ-қа хаттар мен құжаттарды жіберу әдеттегідей жалғасады. Шектеу тек тауар салынған пошта жөнелтілімдеріне қатысты.
«Шектеу америкалық тараптан енгізілді және ол көптеген елдерден келетін халықаралық пошта жөнелтілімдеріне қолданылады. Қазіргі таңда Дүниежүзілік пошта одағына мүше 192 мемлекеттің ішінде тек 5 ел ғана АҚШ-қа тауар салынған посылка жібере алады», делінген «Қазпошта» хабарламасында.
«Қазпошта» шетелдік серіктестерімен тұрақты байланыста екенін және қызметті қайта жандандыру бойынша келіссөздер жүргізіп жатқанын мәлімдеді. Компания уақытша қолайсыздық үшін тұтынушылардан кешірім сұрады.
