Мәлімдеме Twitter әлеуметтік желісінде жарияланды.
«Біздің әскери жолдастарымыз 2025 жылдың 11 қарашасында Әзербайжаннан біздің елімізге бағыт алған C-130 қарулы күштері ұшағының апатқа ұшырауы нәтижесінде қаза тапты», делінген ведомство хабарламасында.
Түркияның қарулы күштері ұшағы өткен сейсенбіде Әзербайжан шекарасына жақын жерде, Грузия аумағында апатқа ұшыраған. Бұл туралы «Имеди» телеарнасы хабарлады.
Кейінірек Түркия Қорғаныс министрлігі бұл оқиғаға қатысты түсініктеме берді.
«Әзербайжаннан біздің елімізге қарай ұшқан C-130 қарулы күштері ұшағы Грузия мен Әзербайжан шекарасында апатқа ұшырады», делінген министрлік мәлімдемесінде.
Грузия Ішкі істер министрлігі ұшақтың Сигнахидегі муниципалитет аумағында, Әзербайжан шекарасына жақын маңда құлап, оқиғаға қатысты тергеу басталғанын хабарлады. Грузияның ІІМ атап өткендей, ұшақ апатқа дейін дабыл белгісін бермеген.
Мемлекет басшысы Қасым-Жомарт Тоқаев әскери ұшақ апатына байланысты Түркия Президентіне көңіл айту жеделхатын жолдады.
