Фото: ТЖМ
Бұл туралы Үкімет үйінде өткен баспасөз жиынында Көлік вице-министрі Мақсат Қалиақпаров мәлімдеді.
Мақсат Қалиақпаров алғашқы алдын ала тергеу қорытындысы үш ай ішінде жарияланғанын еске салып, қазір күрделі сот-медициналық сараптамалар жүргізіліп жатқанын атап өтті.
«Әзербайжан ұшағының апатқа ұшырауы күрделі тергеп-тексеру жұмысын талап ететіндіктен, нақты мына күні нәтиже жарияланады деп айта алмаймын. Бастысы, нақты қорытынды қолға түскенде БАҚ өкілдеріне ақпарат беріледі», деді Көлік вице-министрі.
Бұған дейін БАҚ-та құлаған ұшақтың эксклюзив суреттері жарияланған.
Айта кетейік, Ақтау маңында құлаған ұшақта Қазақстанның 6 азаматы болған еді. Қазақстан тарапы апаттан көз жұмған шетелдіктердің мәйітін Әзербайжанға жеткізуге қол ұшын созған.
