«ҚазАвтоЖол» баспасөз қызметінің хабарлауынша, 2025 жылдың 7 желтоқсанында сағат 12:30-да бастап ауа райының нашарлауына (температураның төмендеуі, тұман) байланысты бірнеше учаскедегі автожолдарда жүк және қоғамдық көліктердің қозғалысына шектеу енгізілді.
Шектеулер үш облысты қамтитын негізгі республикалық маңызы бар жолдарда әрекет етуде:
1. Ақтөбе және Қызылорда облыстары:
• Жол атауы: «РФ шекарасы – Мартөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы»
• Ақтөбе облысындағы учаске: 965-тен 1240 шақырымға дейін (Қарабұтақ кентіненҚызылорда облысының шекарасына дейін).
• Қызылорда облысындағы учаске: 1240-тан 1362 шақырымға дейін (Ақтөбе облысының шекарасынан Арал қаласына дейін).
2. Ақтөбе және Қостанай облыстары:
• Жол атауы: «Қостанай – Рудный – Денисовка – Комсомольское – Қарабұтақ»
• Ақтөбе облысындағы учаске: 0-ден 234 шақырымға дейін (Қарабұтақ кентінен Қостанай облысының шекарасына дейін).
• Қостанай облысындағы учаске: 234-тен 310 шақырымға дейін (Ақтөбе облысының шекарасынан Адаевка ауылына дейін).
«ҚазАвтоЖол» жолдардың ашылуының болжамды уақыты – сағат 18:00 екенін хабарлады.
Назар аударыңыз: Жолдар ауа райы тұрақталған жағдайда ғана ашылады. Жүргізушілерге алыс сапарға шықпас бұрын жедел қызметтердің хабарламаларын тексеру ұсынылады
