Фото: shutterstock.com
Пайыздық өлшем көрсеткіші бойынша баспана бағаларының қараша айындағы өзгерістері
Баспана бағаларының өсуі – Ақтөбе (+4,3%), Алматы (3,5%), Астана (3,2%), Талдықорған (2,3%), Көкшетау (+2,1%) қалалары бойынша тіркеліп отыр. Сонымен қатар Қарағанды, Павлодар, Қостанай қалаларында (0,2-0,8%) өсім байқалған.
Ал Шымкент, Ақтау, Атырау, Жезқазған, Қызылорда, Орал, Өскемен, Петропавл, Семей, Тараз, Түркістан қалалары бойынша өсім тіркелмеген.
Ал бағаның төмендеуі тұрғысында бір ғана қала тіркелді, ол – Қонаев қаласы (0,2%).
1 шаршы метр неше теңгені құрап отыр?
Биыл қараша айында республика бойынша жаңа тұрғын үйдің 1 шаршы метрінің орташа бағасы 568 813 теңгеге жеткен. Бұл баға көрсеткіші – осы жылдың қазан айымен салыстырғанда 13 652 теңгеге қымбат.
1 шаршы метр бойынша ең қымбат баға – Алматы қаласы (690 668 теңге). Одан кейін Астана (671 200 теңге), Атырау (521 361 теңге), Шымкент (518 364 теңге), Семей (467 745 теңге).
Ал 1 шаршы метр бойынша ең қолжетімді бағалар 3 қалада сақталып отыр: Орал (299 155 теңге), Ақтөбе (327 514 теңге), Түркістан (338 637 теңге).
1 жыл ішіндегі пәтер бағасындағы өзгерістер
2024 жылдың қараша айымен салыстырғанда жылдық өсім 15,5%-ды құрады.
Алматы қаласында 1 жыл ішінде пәтер бағасы 19,9%-ға көтерілген.
Айтарлықтай өсім байқалған қалалар:
- Павлодар: +19,6%;
- Қонаев: +17,5%;
- Астана: +17,4%.
Ең төмен өсім көрсеткендер:
- Өскемен: +1,3%;
- Петропавл: +2,6%;
- Жезқазған: +5,3%.
Жаңа тұрғын үй кешендері және бағалар туралы ақпаратты Krisha.kz сайтының «Жаңа құрылыстар» бөлімінен табасыз.
