Фото: Reuters
Iran International басылымының хабарлауынша, Сарапшылар ассамблеясы Иранның бұрынғы жоғарғы көшбасшысы Әли Хаменеидің ұлы Моджтаба Хаменеиді елдің келесі рухани әрі саяси жетекшісі етіп таңдаған. Аталған орган Иран Конституциясына сәйкес жоғарғы көшбасшыны сайлауға жауапты.
Оппозициялық ақпарат құралдарының жазуынша, дауыс беру қарсаңында Ассамблея мүшелеріне Ислам революциясы сақшылар корпусы тарапынан қысым жасалған. Қуатты әскери құрылым елде саяси тұрақсыздық туындамауы үшін мұрагерді жедел анықтауды талап еткен.
Иран неге америкалық және израильдік ұшақтарды атып түсіре алмайды?
Моджтаба Хаменеи 1969 жылы Мешхед қаласында дүниеге келген. Ол аятолла Әли Хаменеидің екінші ұлы. Діни білімді әкесінен және өзге де ықпалды ұстаздардан алып, дін қызметкері атанған. Құм қаласындағы діни семинарияда теология пәнінен дәріс оқыған.
Иран Аятолла Хаменеидің қазасын растады: елде 40 күндік аза тұту жарияланды
