Ведомствоның мәліметінше, бактерияға қарсы препараттарды бақылаусыз пайдалану микроорганизмдердің дәріге төзімділігін арттырып келеді. Қазіргі таңда антимикробтық резистенттілік денсаулық сақтау саласындағы ең өзекті мәселелердің біріне айналған.
Ұлттық қоғамдық денсаулық сақтау орталығының басшысы Эрик Байжүнісов бұл мәселенің медициналық шеңберден шығып, ұлттық денсаулық қауіпсіздігіне әсер ететін факторға айналғанын айтты.
Медицинадағы революция: Қазақстанда бірыңғай цифрлық контур құрылды
Министрліктің дерегіне сәйкес, елде микробтарға қарсы препараттарға төзімділікпен күрес жөніндегі 2027 жылға дейінгі жол картасы іске асырылып жатқанымен, өздігінен емделу және антибиотиктерді заңсыз сату мәселесі әлі де өзекті болып отыр.
Мамандардың айтуынша, көптеген азаматтар антибиотиктерді дәрігердің тағайындауынсыз сатып алады. Бұл инфекцияларға қарсы қолданылатын дәрілердің тиімділігін төмендетіп, антибиотикке төзімділіктің күшеюіне себеп болады.
Денсаулық сақтау министрі Ақмарал Әлназарованың тапсырмасымен антибиотиктерді рецептісіз босатуға бақылау күшейтіліп, дәрілерді таңбалау жүйесі кеңінен енгізіледі. Сонымен қатар төзімділік қаупі төмен препараттарды тіркеуге басымдық беріледі.
Медицина саласындағы түйткіл: Емханалардағы кезек қашан қысқарады?
Бұдан бөлек, антимикробтық резистенттілік мәселелері медициналық жоғары оқу орындарының, магистратура, резидентура және докторантура бағдарламаларына енгізіледі. Сондай-ақ эпидемиологиялық бақылау күшейтіліп, өңірлердегі микробиологиялық зертханалардың жұмысы жетілдіріледі және сала мамандарын қосымша оқыту жоспарланып отыр.
