Анатолий Кашпировский тағы Қарағандыға келе жатыр

ҚАРАҒАНДЫ. 2 сәуір. Кеңес кезеңінен бері аты дүйім елге танылған экстрасенс Анатолий Кашпировский тағы да Қарағанды қаласына келе жатыр. Бұл туралы «Новый вестник» хабарлады. Басылымның мәліметінше, экстрасенс қалада 17 күн болатын сияқты. Ол кенді астанада осынша уақыт тұрғындармен қайырымдылық кездесуін өткізеді. Ал кездесулер Қарағанды циркінің аренасында өтеді. Кашпировскийдің сеанстары циркте 7-24 сәуір аралығында болады. Олар күн сайын жергілікті уақыт бойынша сағат 11:00-де басталып, 15:00-де аяқталады. Айқын Несіпбай. Дерек, сурет: «Новый вестник» .