Астаналық “Жельдорстрой” ұжымы біраз жылдан бері мемлекетімізге басқа елдерден кіретін 6 дәліздің бірін салып жатыр. Бақты ауылынан басталған жол таспадай өріліп, қазір Үржар ауылының іргесіне таяды.
– Биылғы жылдың мамыр айында бастаған болатынбыз. Жұмыс қызу жүруде, 10 шақырымдай жолға қиыршық тас төселіп, тегістелді, 5 шақырымына асфальт жайылды, – деді учаске бастығы Қайыркен Мұқанов. – Жол салумен қатар, осы жол бойындағы көпірлер де қайта салынды. Қарғын су жұлып әкете алмайды.
Қазір жол салушы ұжымда 150 адам істейді. Соның 40-тан астамы жергілікті тұрғындар.
Биыл жол мердігері “Жельдорстрой” жауапкершілігі шектеулі серіктестігі күре жолдың 16 шақырымын жөндеуден өткізіп, іске қоспақ. Осы жылға белгіленген учаскені серіктестік қараша айының соңына дейін бітірмек.
Бейсенғазы ҰЛЫҚБЕК, журналист.
Шығыс Қазақстан облысы.
Соңғы жаңалықтар
Отандық дәрігер «ғылыми Оскар» сыйлығын жеңіп алды
Медицина • Кеше
Атырау облысында қолайсыз ауа райының салдарын жою жөніндегі жедел штаб отырысы өтті
Төтенше жағдай • Кеше
