Astana Arlans кезекті рет жеңіске жетті

АСТАНА. 23 сәуір.  Шымкент қаласында бокстан Astana Arlans клубы мен Caciques Venezuela команданың арасында Бүкіләлемдік бокс сериясының ширек финалдық кездесуі өтті. Бұл туралы egemen.kz тілшісі хабарлады. Кездесуде алаң иелері венесуэлалық клубты 4:1 есебімен жеңді. Шаршы алаңда Astana Arlans сапында Мұхаметжан Еркіннен басқаларының бәрі қарсыластарын ұтты. 49 кило салмақта Жомарт Ержан Анхелино Кордовоны тізе бүктірді. Бұл кездесуде төрешілер алаң иесіне үш раундта 50 ұпайдан берді. Ал оның қарсыласы 42, 43, 44 ұпай ғана жинады.  Сөйтіп, жекпе-жек 3:0 есебімен Жомарттың пайдасына шешілді. Екінші кездесуде Нұрбол Қалжанов (56 кг) Гектор Гарсияны 2:1 есебімен ұтты. Бірінші раунд 47:48, екінші раунд 50:45, үшіншісі 50:45 есебімен аяқталды.  Келесі 64 кило салмақта Самат Башенов Луисв Арконадан да 2:1 (48:47, 45:50, 49:46) есебімен басым түсті. 75 килода Әбілхан Аманқұл мен Йоханның арасында өткен жекпе-жекте отандасымыз 3:0 (49:46, 49:46, 49:46) есебімен айқын басымдықпен жеңді.   Ең соңғы кездесуде 91 кило салмақта    Мұхаметжан Еркін Дейвис Хулиодан ұтылып қалды.. Онда есеп 3:0 (49:46, 45:50, 47:48) болып аяқталды. Дастан Кенжалин. Дерек, фото: egemen.kz