Сұхбат • 31 Мамыр, 2025
Мәмбет ҚОЙГЕЛДІ, академик: Көптомдық Алаш идеясының жалпыұлттық ұстанымға айналғанын көрсетеді
«Алашорда ісі» деп аталатын он екі томдық құжаттар жинағын Президент Қасым-Жомарт Тоқаевтың 2020 жылғы 24 қарашадағы Жарлығына сәйкес саяси қуғын-сүргін құрбандарын толық ақтау ісі арнасында атқарылған көпсалалы қызметтің маңызды нәтижесі ретінде қарастырған орынды. Осынау мәні зор еңбекке ғылыми жетекшілік еткен тарих ғылымдарының докторы, профессор, ҰҒА академигі Мәмбет Қойгелдімен әңгімелескен едік.
Басылым • 23 Мамыр, 2025
Ақпарат кеңістігіне енген күннен бастап ұлттық баспасөздің туын абыроймен арқалап келе жатқан республикалық «Ana tili» газеті ойлы оқырманның айнымас сырласына айналды. Ел тарихы мен ұрпақ тәрбиесіне қатысты өткір мәселелерді батыл көтеріп жүрген оның әр саны елдік мүдде мен ұлттық болмыстың үнпарағы десек, артық болмас. Алматыдағы бас кітапханада басылымның 35 жылдығына арналған «Егемендік пен елдіктің еңселі мінбері» атты дөңгелек үстел өтіп, газеттің ұлт руханиятындағы рөлі, егемендік жылдарындағы ақпараттық-рухани күрестегі орны мен болашақ бағдары байыпталды.
Басылым • 21 Мамыр, 2025
Балалар мен жасөспірімдерге арналған республикалық «Ұлан» газетінің бала көңілдің бағбанына айналған айтулы басылымның жарық көргеніне биыл 95 жыл толып отыр. Атаулы дата аясында еліміздің бас кітапханасында өткен салтанатты іс-шара – ұлттық баспасөздің өскелең ұрпақ тәрбиесіндегі орны мен маңызын тағы бір мәрте дәлелдеген тағылымды кешке ұласты.
Музей • 20 Мамыр, 2025
Атаулы жобаға айналған «Музей түні» акциясының бастау алғанына биыл жиырма жыл толды. Мазмұны бай мәдени жоба алғаш қанат қаққан Алматыдағы Мемлекеттік орталық музей мыңбояулы шаһар тұрғындарына биыл да ұмытылмас мереке сыйлап, тарих пен дәстүр дәріптелген шараға 20 мыңға тарта көрермен қатысты.
Көрме • 16 Мамыр, 2025
Алматыдағы Мемлекеттік орталық музейде «Судағы шеңберлер» атты сурет көрмесі ашылды. «Яблоневая палитра» кәсіби суретшілер қауымдастығының шығармашылық әлеуетін көрсеткен өнер жәрмеңкесіне 40-қа жуық қылқалам шеберінің үздік туындылары қойылды.
Өшпес даңқ • 09 Мамыр, 2025
Бұрнағы күнгі газетіміздің нөмірінде жарық көрген «Қолбасшы Нұрмағамбетов» атты мақалада Рейхстаг алынғаннан кейін Сағадатты майдандық газеттің тілшісі Мұса Дінішев іздеп барып, очерк жазғаны туралы дерек келтірілген. Сол тарихи сәттің сарғайған естелігін санада жаңғыртқан мына сурет 1945 жылдың мамырында Берлинде түсірілген. Жеңіс туы желбіреген мерейлі мезетте тарихқа таспаланған бұл бейне – қос бірдей қазақ перзентінің жеке естелігі ғана емес, бүтін бір ұрпақтың ерлігі мен елге деген адалдығын айғақтайтын құнды дерек.
Көрме • 03 Мамыр, 2025
Қазақтың біртуар ғалымы Шоқан Уәлихановтың туғанына 190 жыл толуына орай «Шоқаны бар елдің – шоқтығы биік» атты тағылымды көрме ашылды. Көрмеге Мемлекеттік орталық музей мен Алматы облысы, Кербұлақ ауданындағы Ш.Уәлихановтың «Алтынемел» мемориалдық музейі қорынан, сондай-ақ мұрағат қорынан алынған бірегей жәдігерлер қойылды.
Жастар • 30 Сәуір, 2025
«Тәуелсіздік ұрпақтарының» рухани қазынасы
Алматыда өнерсүйер қауым ерекше рухани кештің куәсі болды. А.Жұбанов атындағы дарынды балаларға арналған республикалық мамандандырылған музыка мектебінің «Giovani Talenti» камералық оркестрі еліміздің композиторлары шығармаларынан құралған жаңа жинақтың тұсаукесер концертін өткізді.
Өшпес даңқ • 24 Сәуір, 2025
Майдан тарихын зерттеу жалғасады
Адамзат тағдырын қасіретпен айғыздаған соғыс тақырыбының тасасында талайлардың кермек тағдыры жатыр. Қазақ жерінде жақынын майданға аттандырмаған әулет кемде-кем. Сұрапыл жылдары сұраусыз кеткен боздақтар тағдыры, елімізде құрылған жауынгерлік жасақтар, соғысқа дейінгі кезең мен соғыстан кейінгі халық өмірі, осы және өзге де тақырыптар Мәдениет және ақпарат министрлігі Архив, құжаттама және кітап ісі комитетіне қарасты Орталық мемлекеттік архивте өткен «Ұлы Отан соғысының жаңа беттері» атты халықаралық ғылыми конференцияда талқыланды.
Көрме • 19 Сәуір, 2025
Мемлекеттік орталық музейде бейнелеу өнерінің нәзік әрі күрделі саласына жататын акварель шеберлерінің қолтаңбасын насихаттайтын сурет көрмесі есік ашты. «Акварельді фреш-III» деп аталған дәстүрлі өнер жәрмеңкесіне еліміздің барлық өңірінен 56 суретші үн қосқан.
