Аймақтар • 15 Қыркүйек, 2021
Бүгінгідей көп нәрсе шектеулі карантин кезінде туризмнің дамуы жөнінде ауыз толтырып айтарлық жетістіктің аз болуы заңдылық. Дегенмен туризмді дамыту бағытындағы жұмыстар тоқтаған жоқ және уақыт талабына сай бейімделе жұмысын жандандыра түсуде. Мысалы, Шымкент қаласына қарасты Сайрам тұрғын алабындағы тарихи нысандарды тамашалауға өткен жылдан бері 70 мыңдай турист келген. Ал E-Qonaq жүйесі арқылы 40 мыңға жуық турист тіркелген. Биылғы бес айда қалаға келуші туристердің саны 71 156 адамға жетіп, өткен жылдың сәйкес кезеңімен салыстырғанда 149,1%-ға ұлғайған. Ішкі туризм бойынша келушілер саны – 69 733, кіру туризмі бойынша – 1 423 адам.
Президент • 15 Қыркүйек, 2021
«Қарапайым заттар экономикасы» бойынша мақұлданған жоба көп
Түркістан облысында биыл 444 елді мекенге табиғи газ тартылады. Алдағы 5 жылда өңір халқы 85,6%-ға табиғи газбен қамтамасыз етілетін болады. Ал жергілікті маңызы бар автомобиль жолдарының жақсы және қанағатты жағдайдағы үлесін 2025 жылы 99,5% жеткізу жоспарлануда. Жыл қорытындысымен орталықтандырылған ауыз сумен 717 елді мекен қамтылып, 2025 жылға облыс тұрғындарын 100% қамту көзделуде. Түркістан қаласын қажетті жылу, энергия көздерімен қамтамасыз етуге мүмкіндік беретін булы газ қазандығы салынады. Сонымен қатар электр қуатын сапалы тарататын «Орталық», «Солтүстік», «Бадам» қосалқы стансаларының құрылысы басталды.
Қоғам • 10 Қыркүйек, 2021
Ойшылдар ойынын ұлықтаған отбасы
«…Келгеніне үш-төрт күн болса да, Көрпебай Абайға тоғызқұмалақтан әлі жөндеп ұтқызған жоқ. Соңғы күндердің бір қатты бәсекесі болып алған ойыны бар. Кейде таңертеңгі шайдан түстікке шейін ойнағанда, бір ойынды тауыса алмай айырылысатын. Кеше, кеш бойы Абай кітап пен жазу үстінде болды да, ойын үзіліп қалған. Енді Көрпебай «тоғызқұмалақ» ағашын алып кіргенде, Абай: «Тағы алаң кірді, қоя тұрайын» деп, Пушкин томының беттерін жауып қойды... ...Абайдың кейбір қыстарда, үйде отырып қалғанда әдейі шақырып алып, жиырма күн, бір айдан табан аудармай ойнап қалатын кісілерінің бірі – Мақыштың Смағұлы, не Марқабай болса, тағы бірі осы Көрпебай...».
Экология • 08 Қыркүйек, 2021
Cуды үнемдеу құрғақшылықтан сақтайды
Түркістан облысы Ордабасы ауданы аумағындағы Боралдай өзенінің бойынан сыйымдылығы 50-60 млн текше метр болатын су қоймасы салынады. Жаңа нысанның ені 2 шақырым, ұзындығы 5 шақырым болады. Нәтижесінде, Ордабасы, Отырар аудандары мен Түркістан қаласынан жалпы 45 мың гектардан астам жер қосымша ағын сумен қамтамасыз етіледі.
Экономика • 08 Қыркүйек, 2021
Түркістанда мақта терімі басталды
Түркістан облысы Мақтаарал ауданында шаруалар 35 мың гектардан аса жерге мақта шитін сепкен болатын. Қазіргі таңда диқандар қажетті агротехникалық шараларды аяқтап, мақта жинау науқанын бастап кетті. Алғашқылардың бірі болып Жамбыл ауылдық округіне қарасты «Айбота» шаруа қожалығы өнім жинауға кірісті.
Экономика • 07 Қыркүйек, 2021
Жолдау жүгі: Экспорт табысын 608 млрд теңгеге жеткізу көзделуде
Шымкент қаласының экономикасын дамыту мақсатында кәсіпкерлікті қолдауға 7 млрд теңге бағытталып, 2 250 бизнес өкіліне қолдау көрсетілетін болады. «Бизнестің жол картасы» бойынша мың жоба қамтылады. Шетелдік инвесторлардың қатысуымен 2 мың адамды жұмыспен қамтитын 15 жоба іске асырылады. Сондай-ақ үшінші мегаполисте 19 мыңнан астам мұғалімнің жалақысы келесі жылы тағы 25 пайызға ұлғайып, оқушылардың қосымша біліммен қамтылу көрсеткішін 80 пайызға жеткізу көзделіп отыр.
Аймақтар • 03 Қыркүйек, 2021
Түркістан облысының полиция департаменті 8-12 жас аралығындағы оқушылар арасында «Мен елімді сүйемін!» тақырыбында сурет салудан байқау ұйымдастырды. Оған департаментке қарасты 17 аудандағы полиция бөлімі, басқарма қызметкерлерінің сурет салуға бейім ұл-қыздары қатысқан. Ұсынылған 84 суреттің үздіктерін анықтау үшін арнайы қазылар алқасы құрылған.
Қоғам • 03 Қыркүйек, 2021
Өкінішке қарай, пандемия кезінде екпеге қатысты жемқорлық денсаулық сақтау саласында көбейіп кетті. Мысалы, Кентау қалалық санитарлық-эпидемиологиялық бақылау басқармасының бас маманы кәсіпкерлерден Ashyq қосымшасын енгізу үшін оң санитарлық-эпидемиялық қорытынды берген және сол үшін 100 мыңнан 120 мың теңгеге дейін пара алған деген күдікке ілінді.
Аймақтар • 01 Қыркүйек, 2021
Қаланың қажеттілігі мегаполисті азық-түлікпен қамту маңызды міндет
Тұрғындар саны жылдан-жылға артып келе жатқан еліміздің үшінші мегаполисін азық-түлікпен қамтамасыз ету бірінші кезекте тұрған мәселе. Қала тұрғындары көбіне іргелес аудандардан әкелінетін ағарғанды, көрші елмен шекаралас өңірлердің көкөнісі мен жеміс-жидегін, батысындағы аймақтың қымыранын, таудың қымызын тұтынады. Дегенмен қала аумағында өндірілетін ауыл шаруашылығы өнімдерінің көлемі де жыл сайын арта түсуде.
Коронавирус • 29 Тамыз, 2021
Коронавирустан көз жұмғандар көп
Мәйітхана... Бұл жердегі көріністі айтудың өзі ауыр. Жақынын жоқтап, ақтық сапарға шығарып салудың қамымен жүрген қайғылы жұрттың қарасы азаймай тұр. Түркістан облыстық патологиялық-анатомиялық бюросы қызметкерлері пандемия басталғалы мәйіттің көбейгенін айтуда. Өйткені мұнда аталған дерттен көз жұмғандар да жеткізіледі. Бір тәулікте 30 мәйітке дейін талдау жүргізіледі.
