Партия • Кеше
«Ақ жол» партиясында – жаңа төраға
Он бес жылға жуық «Ақ жолды» басқарған Азат Перуашев өз өкілеттігін тоқтатты. Енді саяси қозғаушы күшке Мәжіліс төрағасының орынбасары қызметін атқарып жүрген Дания Еспаева жетекшілік етеді. Осылайша, ол тәуелсіз ел тарихында партияның тізгінін ұстаған алғашқы әйел төраға атанды. Бұл ауыс-түйіс ұйымның кезектен тыс съезінде шешілді.
Саясат • 12 Маусым, 2026
Мәжіліске Қырғыз Парламентінің спикері келді
Қырғыз Республикасы Жогорку Кенешінің төрағасы Марлен Маматалиев Қазақстанға алғаш рет ресми сапармен келді. Мәжіліс төрағасы Ерлан Қошановпен кездесуде тараптар парламентаралық ынтымақтастықты нығайту мәселелерін талқылады.
Үкімет • 11 Маусым, 2026
Бюджетте әлеуметтік салаға басымдық берілді
Мәжілісте былтырғы республикалық бюджеттің атқарылуы туралы Үкімет пен Жоғары аудиторлық палатаның есептері талқыланды. Бюджет қаражаты қаншалықты тиімді жұмсалды? Елдегі экономикалық өсімді халық сезінді ме?
Саясат • 09 Маусым, 2026
Ортақ мақсатқа жұмылуға шақырды
Астанада Мәжіліс спикері, «Amanat» партиясының төрағасы Ерлан Қошановтың төрағалығымен партия Саяси кеңесінің отырысы өтті. Жиын қорытындысында мемлекеттегі барлық прогрессивті қоғамдық-саяси күштерді Әділетті және Прогрессивті Қазақстанды құру жолында күш біріктіріп, жұмыла жұмыс істеуге шақырған мәлімдеме қабылданды.
Елорда • 06 Маусым, 2026
Дамуы уақытпен жарысқан елорданың негізгі қуаты – жастар. Жасампаз идеяға толы олар Астананың тыныс-тіршілігіне жаңаша серпін беріп келеді. Волонтерлік қозғалыстағы белсенділігімен қатар, шағын және орта бизнестегі үлесі, ғылым мен инновация саласындағы жобалары бас қаланың әлеуметтік-экономикалық тамырына қан жүгіртіп отыр.
Саясат • 05 Маусым, 2026
Мәскеудегі мемлекеттік рәміздер шарасы
Мәскеуде Қазақстанның Мемлекеттік рәміздер күні аталып өтті. Еліміздің Ресей Федерациясындағы елшілігінде өткен іс-шарада тұңғыш қазақ ғарышкері, Кеңес Одағының батыры, Халық қаһарманы Тоқтар Әубәкіров қонақ болды.
Саясат • 04 Маусым, 2026
Алғаш рет әкімшілік рақымшылық жасалады
Мәжіліс қабылдаған заң жобасына сәйкес, жаңа Конституцияның қабылдануына орай қылмыстық және әкімшілік құқықбұзушылықтардың жекелеген санаттары бойынша жауаптылық жеңілдетіледі. Алдын ала есепке сүйенсек, рақымшылық шаралары 16,5 мыңға жуық сотталған азаматқа, 1 миллионға жуық әкімшілік айыппұлға қатысты қолданылады. Жалпы сомасы 21,1 миллиард теңге айыппұл есептен шығарылмақ. Дегенмен құжатта қоғамдық қауіпсіздікке қатер төндіретін ауыр құқықбұзушылықтар мен сыбайлас жемқорлық қылмыстары рақымшылықтан тыс қалатыны нақты белгіленген.
Қазақстан • 04 Маусым, 2026
Жақында іске қосылған LRT Арқа төрінде бой көтерген бас қаланың ажарын айшықтай түсті. Әлеуметтік желіде жер үстіндегі пойыздың іші тұрмақ, елорда көшелерімен жүйткіген сәті көпшіліктің қызығушылығын оятты. Мұны көруге асыққан өңірлердегі отандастарымыз Астанаға ағылды. Әсіресе ерке Есілдің оң жағалауындағы Шәмші Қалдаяқов көшесіне келушілер, сол маңда түрлі фотосессия жасаушылар көбейді. Мереке қарсаңында біз де барып, жұртшылықпен тілдесіп қайттық.
Қоғам • 02 Маусым, 2026
Сапа сын, қызмет мін көтермесе қайтпек керек?
Қазір көпшілігі сауданы онлайн жасауға үйір. Тұрғындар тұрмыстық тіршілікте тұтынатын тауарлардан бастап үлкен техникаларға дейін виртуалды базарлардан сатып алады. Цифрлық дәуір азаматтардың уақытын үнемдегенмен, түрлі дауды да көбейтіп отыр. Мәселен, жыл басынан бері Сауда және интеграция министрлігі Тұтынушылардың құқықтарын қорғау комитетіне 22 559 шағым түскен. Көрсеткіш – өткен жылдың сәйкес кезеңімен салыстырғанда едәуір жоғары.
Зерде • 02 Маусым, 2026
Қазіргі жастардың талғамы, толғандыратын тақырыбы да бөлек. Олар көбіне тың идеялар мен батыл қадамдарға жақын. Заманның тамырын дөп басып, еркін ойлап, өзгеріс лебінде ерек қимылдаған ұрпақтың өткен ғасырдың 30-жылдарындағы ашаршылық пен қуғын-сүргін туралы әлеуметтік платформалардағы пікірлерін топтастырып ұсынуды жөн көрдік.
