Елорда • 05 Шілде, 2021
Көркі көз тартатын өңірлер тартуы
Бүгінде бірегей брендке айналған елордамыз Нұр-Сұлтан қаласы – Тәуелсіз Қазақстанның беткеұстары, бедел-бедері. Алтайдан Атырауға, Алатаудан Арқаға дейінгі ұлан-ғайыр жеріміздің болмысын бойына сіңірген бас қалада барлық аймағымыздың белгісі байқалады. Расында, елорда – тұс-тұстан жиналған жақсы энергияның тоғысы. Бұл қаланың халқынан да, қалпынан да анық аңғарылады. Яғни астананың салт-санасын, сән-сәулетін қалыптастыруда барлық өңірдің үлесі бар. Біз осының сәулетіне қатыстысын сөз етпекпіз.
Саясат • 01 Шілде, 2021
Елорданың даму динамикасы тұрақты
Астана елдің айнасы болғандықтан бұл қалада қандай оқиға, қандай мәселе болсын, қашанда назардан тыс қалған емес. Сондықтан елордадағы елеулі жаңалықтарға бүкіл ел елеңдеп, құлақ түріп отырады. Бұл ретте Нұр-Сұлтан қаласының әкімі Алтай Көлгінов Орталық коммуникациялар қызметі алаңында елорданың әлеуметтік-экономикалық дамуы туралы баяндама жасап, біраз мәліметке қанықтырды. Ол қысылтаяң шақтың кедергілеріне қарамастан, бас шаһардың даму динамикасы сақталып тұрғанын айтты.
Коронавирус • 30 Маусым, 2021
Вакциналар жаңа штаммдардан қаншалықты қорғайды?
Әлі күнге дейін коронавирусқа қарсы вакциналарға күдікпен қарайтындардың қатары аз емес екені рас. Дегенмен кейінгі күндері індеттің қайта күшеюі, жаңа штаммдардың пайда болуы вакцина салдыруға талаптанған азаматтардың артуына ықпал етті. Бұл арада біраз жұрттың көкейінде «Бұл вакциналар қаупі бөтен штаммдардан қаншалықты қорғай алады?» деген күмән туғаны да жасырын емес. Осы тақылеттес сұрақтарға Орталық коммуникациялар қызметі алаңында бір топ сарапшы жауап берді.
Коронавирус • 29 Маусым, 2021
Вакцина бизнесті де сауықтырады
Бүкіл әлемге алапат қауіп-қатерімен келген коронавирус пандемиясы көптен бері қалыпты тіршілігімізден айнытып отыр. Қаншама шаруа тұралап, кейінге шегеріліп, соның салдарынан орасан шығынға батқан сала жетерлік. Бір жақсысы, індетке қарсы вакцина адамдарды жұқпалы дерттен сақтандырып қана қоймай, біраз бизнестің қайта жандануына ықпал етіп жатыр.
Коронавирус • 28 Маусым, 2021
Еліміздегі эпидемиялық ахуал қайтадан нашарлап, Қазақстан «қызыл аймаққа» өтті. 26 маусымнан бастап «қызарған» өңірлер қатары бесеу болды.
Коронавирус • 25 Маусым, 2021
Адамзатқа ауыр сынақ болып келген Covid-19 індетін ауыздықтау қиынға соғуда. Ауруға қарсы тұрудың небір амалын жасап, күресімізді күшейтіп жатсақ та, бұл әрекетімізді жойқын «жау» жауапсыз қалдырмай отыр. Бүгінде әлемде коронавирустың жаңа штамдары пайда болып, індет қайта күш алып келеді. Өкінішке қарай, Қазақстанда да «үнді» штамы анықталып, үрейімізді үдетті. Бұл жағдай эпидемиялық ахуал ушығып бара жатқан елімізде карантин шараларын күшейтуге мәжбүрледі.
Коронавирус • 22 Маусым, 2021
Денсаулық сақтау министрлігі айналымда «Үнді» штамының болу ықтималдылығын анықтады. Бұл туралы COVID-19 таралуына жол бермеу жөніндегі ведомствоаралық комиссия мәлімдеді.
Бағдарламалар • 18 Маусым, 2021
Ауыл балаларының үмітін үкілейді
Елбасы Нұрсұлтан Назарбаевтың «Ел үміті» бастамасы аясында ауыл мектептерінде оқып жүрген балаларды дамыту мен ынталандыруға бағытталған жобалар жүзеге асырылып жатыр. Бұл туралы Орталық коммуникациялар қызметі алаңында «Елбасы академиясы» корпоративтік қорының директоры Әнуар Жанғозин жан-жақты мағлұмат берді.
Қазақстан • 17 Маусым, 2021
Екінші отандық вакцина сынақтан өтіп жатыр
Елімізде 15 маусымнан бастап тағы бір отандық вакцинаның клиникалық зерттеулері басталды. Сovid-19-ға қарсы бұл жаңа вакцина «QazCoVac-P» деп аталды. Оның сынағы Тараз қаласындағы көпбейінді қалалық ауруханада 18-50 жас аралығындағы еріктілерді тарту арқылы жүргізіледі. Бұл жаңалықты Биологиялық қауіпсіздік проблемаларының ғылыми-зерттеу институты хабарлады.
• 16 Маусым, 2021
Індет қаупі сейілмеген қазіргі кезде эпидемиялық ахуалдан өзекті мәселе жоқ деуге болады. Бүгінде коронавирусқа тойтарыс берудің жалғыз жолы вакциналау екенін халықтың басым бөлігі ұғына бастады. Бұл ретте елімізде қолжетімді вакциналарға қатысты көпшіліктің көкейінде әлі де сұрақ көп болып тұр. Орталық коммуникациялар қызметі алаңында Денсаулық сақтау министрлігінің өкілдері вакциналау және басқа да маңызды мәселелер төңірегінде жан-жақты мағлұмат берді.
