Қазақстан • 24 Ақпан, 2022
Қаратау баурайында қыран қалқып...
Жоғалып кете жаздап барып қайта жанданған құндылықтың бірі – саятшылық. Бабадан қалған мұраны зерттеп жүргендер осыдан 40 жыл бұрын елімізде құс салатын оншақты-ақ адам қалғанын айтады. Ал қазір 200-ге жуық құсбегі бар. Тағы бір айта кетерлігі, бұрынғылар бүркітті ғана баулыған болса, қазіргі жастар арасында қаршыға, ителгі, лашын, бидайық сияқты құстарды қолына қондырғандар көбейген.
Қазақстан • 21 Ақпан, 2022
Мақсат – сайлауға сенім арттыру
Қызылорда облысына жұмыс сапары аясында Орталық сайлау комиссиясының басшысы Нұрлан Әбдіров Сырдария ауданының учаскелік сайлау комиссияларының мүшелерімен, сайланған әкімдермен және ауылдық округ тұрғындарымен кездесті.
Аймақтар • 18 Ақпан, 2022
Университет командасы жеңімпаз атанды
Қызылордада Қазақстан Республикасының еңбек сіңірген жаттықтырушысы, профессор Н.И.Шиндинді еске алуға арналған республикалық волейбол турнирінің жеңімпаздары анықталды.
Аймақтар • 18 Ақпан, 2022
Соңғы уақытта облыс диқандары арасында жер телімдеріне қатысты түсінбестік туындап, арты дауға ұласып жатқаны белгілі. Сырдария ауданындағы «Шаған жер» ЖШС-дағы осындай жағдай екі жыл қатарынан созылып келеді. Екі тарап арасындағы мәселелер түйінін тарқату үшін бірнеше рет кездесу өткізіліп, облыс әкімдігі тарапынан тиісті түсіндірмелер де жүргізілген. Дегенмен, тұтанған даудың түтіні әлі басылмай тұр. Науқан қарсаңындағы даудың салқыны ертеңгі егіс барысына да кері әсерін тигізері тағы анық.
Аймақтар • 18 Ақпан, 2022
Қызылордадағы Н.Бекежанов атындағы облыстық драма театрында аймаққа сапармен келген Орталық сайлау комиссиясының төрағасы Нұрлан Әбдіров сайлау комиссиялары мүшелерімен, саяси партиялар, ҮЕҰ және БАҚ өкілдерімен кездесті.
Аймақтар • 16 Ақпан, 2022
Бір түп сексеуіл 4 тонна құмды ұстайды
Бір кездері айдыны шалқып жатқан Аралдың тартылуы жағалауындағы жұртты ғана емес, күллі адамзатты экологиялық апатқа ұшыратты. Қазір ұшы-қиыры көрінбейтін далаға айналған кепкен теңіз ұлтанының көлемі – 4,5 млн гектар. Соның жартысына жуығы еліміздің аумағында жатыр.
Аймақтар • 15 Ақпан, 2022
Көптің көмегімен көлікті болды
Жуырда әлеуметтік желілерге Қызылорда қаласындағы көшелердің бірінде түсірілген видео тарап еді. Күннің суығында екі баласын велосипедпен тасып жүрген азамат жайлы бейнекадр әп-сәттің ішінде мыңдаған қаралым жинаған екен.
Тарих • 15 Ақпан, 2022
Қызылордадан Сырдария ауданына қарай жолы түскен жолаушының Нағи Ілиясов ауылына жақындай бере ерекше бір мұнараға көзі түседі. Бұл елін жаудан қорғаған әйгілі батыр, аузы дуалы би Көтібар Итаяқұлының әулеті жатқан қорым. Жергілікті тарихшылар батырдың мұнаралы кесенесі Сыр бойындағы 50-ден астам асарлар сияқты тарихи мәдени құндылығы жоғары ескерткіштің біріне жататынын айтады. Мұнара 1982 жылдан бері мемлекет қорғауына алынған.
Қазақстан • 15 Ақпан, 2022
Қақтығыс аймағында болғандар әлеуметтік мәртебе сұрайды
Елімізде «Ардагерлер туралы» Заңға өзгерістер мен толықтырулар енгізілгенде одан құпия майдан жауынгерлері тыс қалды.
Аймақтар • 10 Ақпан, 2022
Отыз алты жылда 18 220 шақырым жүрген
Жақында әлеуметтік желіні парақтап отырып, облыстық тарихи-өлкетану музейінде тұрған бір жәдігер жайлы қызық мәліметке жолықтық. Қызығы сол, 1986 жылы Кеңес Одағының автокөлік өндірісіндегі ірі кәсіпорын Горький автомобиль зауытынан ГАЗ-24 маркасымен небәрі 4 «Чайка» көлігі шығарылады. Соның бірі халық шаруашылығындағы ең жоғары көрсеткіштерге жеткен Қызылорда облысына бұйырыпты.
