Руханият • 30 Тамыз, 2019
Дулыға Ақмолда: Әр кейіпкерімнің «тағдыры» үшін жауаптымын
Бұл актер жайлы сөз қозғағанда биіктік пен тереңдік дейтін бір-біріне контраст ұғымды қатар айтқың келеді. Өйткені ол сомдаған кейіпкерлердің болмысы сондай. Бірде от болып жанып тұрып, келесіде мың құрсаулы қасат мұзға айнала салады. Бір рөлі екіншісіне ұқсамайтын ерекшелікке ие. Иә, бұл актер туралы айтқанда адалдық турасында ақтарылғың келеді. Ол – адами адалдық қана емес, өнерге, киелі сахнаға деген адалдық. Өйткені біздің бүгінгі кейіпкеріміз саф өнер – театр үшін өзін үнемі сақтап, баптап келе жатқан санаулы суреткердің бірі. Текті өнерді кие тұтқан талғампаз жан. Сондықтан болса керек, киноға да сирек түседі. Бірақ ол түскен фильмдер де театрдағы рөлдері сынды көрерменін бір сәт бейжай қалдырып көрген емес. Үнемі үздіктер қатарында. Сөз ауанынан-ақ аңғарған боларсыздар, біз Қазақстанның еңбек сіңірген қайраткері, актер Дулыға Ақмолда туралы айтып отырмыз.
Руханият • 28 Тамыз, 2019
Роза Мұқанова: Өлеңдерінен Фаризаның өзін іздедім...
Жақында әлеуметтік желіде жарқ ете қалған Фариза Оңғарсынова туралы қойылғалы жатқан «Фариза» спектаклінің афишасын көре салғаннан-ақ көңілді ерекше бір қуаныш кернеді. Бұл сезім тек біздің ғана емес, ақын өлеңін жастана оқыған әрбір оқырманға ортақ толғаныс екені анық. Өйткені өлеңін өміріне балап, ғұмыр бойы аялап өткен ақын жанының бар сыры мен болмысы қай кезде де оқырманын бейжай қалдырып көрген емес. Ал сол «Фариза» сахна арқылы тіл қатса, тіпті ғажап! Алматыдағы М.Әуезов атындағы Қазақ мемлекеттік академиялық драма театры сахнасында 5-6 қыркүйекте өтетін спектакль премьерасына дейін санаулы-ақ күн қалды. Осы орайда «Фариза» драмасының авторы, Халықаралық «Алаш» әдеби сыйлығының иегері, жазушы-драматург Роза Мұқановадан өзі танып, туындысына өзек еткен ақын әлемі туралы сыр бөлісуін сұраған едік.
Руханият • 27 Тамыз, 2019
Өлеңсүйер оқырман үшін тамаша тарту
Кеше елордадағы Ұлттық академиялық кітапханада өлеңсүйер оқырман үшін тамаша тарту – «Қазақ поэзиясының інжу-маржандары» антологиясының тұсаукесер рәсімі өтті. Жоба Елбасы Нұрсұлтан Назарбаевтың «Рухани жаңғыру» бағдарламасы аясында Мемлекет басшысы Қасым-Жомарт Тоқаевтың тікелей қолдауымен жүзеге асырылып отыр.
Руханият • 14 Тамыз, 2019
Тарихты тану өзіңнен басталады
Кеше Қазақстанның табиғаты әсем, тарихы тағылымды қасиетті жерлері мен республика аймақтарының рухани-мәдени мұрасымен танысуды мақсат тұтқан 700-ге жуық жас өрен «JASTAR KERÝENI» жобасының аясында 7 бағыт бойынша туристік саяхатқа аттанды. Осыған орай еліміздің түкпір-түкпірінен жиналған белсенді жастар елорда төрінде бас қосып, Есіл өзені жағалауындағы «Амфитеатр» сахнасында айтулы шараның ашылу салтанатына арналған слет өткізді.
Руханият • 09 Тамыз, 2019
«Азия шыңдары»: суретші болмысын биіктеткен сапар
Шығармашылық адамы үшін табиғаттан асқан тәлімгер ұстаз жоқ. Ол әсіресе қиялымен жарысқа түскен қылқалам иесі үшін таптырмас шабыт қайнары десек, артық айтқандық емес. Табиғат-Ананың қылау түспеген тұма сұлулығын жан әлемімен түйсініп, көкірек көзімен көре білген сұңғыла сырлы бір топ талантты суретшінің ортақ тақырыпқа орайластырылған «Азия шыңдары» атты халықаралық сурет көрмесі сөзімізге айғақ.
Кино • 08 Тамыз, 2019
«Қап-қара адам» байқауға қатысады
Отандық кинорежиссер Әділхан Ержановтың «Қап-қара адам» картинасы халықаралық кинобайқауда бақ сынамақ. Аталған туынды 2019 жылдың 20-28 қыркүйегі аралығында өтетін әлемдегі ең көне «А» класты кинофестивальдардың бірі – 67-ші San Sebastian International Film Festival жобасының негізгі конкурстық бағдарламасына қатысады.
Руханият • 08 Тамыз, 2019
«ArmandaStar» суретшілерге серпін сыйлады
Өткен жұмада бас шаһар төріндегі Ұлттық музейде жас суретшілер шығармашылығын қолдау мақсатында ұйымдастырылған «ArmandaStar» топтық көрмесінің ашылу салтанаты өтті.
Руханият • 02 Тамыз, 2019
Апта соңы елорда тұрғындары мен қала қонақтары үшін тосынсый мен естен кетпес әсерге толы демалыс болмақ. 3 тамыз күні ЭКСПО көрмесінің жазғы сахнасында отандық эстрада әншісі Қайрат Нұртас пен ресейлік «Голос.Дети» жобасының жеңімпазы, талантты жас орындаушы Ержан Максим тыңдармандарына тамаша музыка кешін тарту етеді.
Қоғам • 01 Тамыз, 2019
Елордада өзгеше карнавал өтеді
Тамыз айы елорда тұрғындары үшін таңғажайып карнавал шеруімен есте қалмақ. HPAIR Asia Conference-2019 халықаралық конференциясы ұйымдастырушыларының ұйытқы болуымен бас шаһар төрінде I Carnival дәстүрлі мәдениет карнавалы және әлемнің 40-тан астам елінің өкілдері қатысатын I Night кеші өтеді.
Руханият • 23 Шілде, 2019
«Арыстан патша» фильмі: Қазақша дубляждың қарышты қадамы
Балалық шағы өткен ғасырдың 90-шы жылдарының ортасына дөп келген ұрпақ америкалық Disney киностудиясы түсірген әйгілі «Арыстан патша» мультфильмінің қызығы мен естен кетпес әсерін әлі күнге ұмыта қойған жоқ. Өйткені анимация жанрының үздік үлгісі саналатын бұл туынды тек көркемдік сапасымен ғана емес, мазмұндық мән, балдырған санасына сіңірер тәрбиелік тағылым тұрғысынан да өз құндылығын бір еліге бәсеңсітпей келеді.
