Редакция таңдауы
Бидай экспортын шектеу – қауіпсіздік кепілі
Ұлттық статистика бюросының деректеріне сүйенсек, Қазақстанда барлық егіс алқабының 80%-дан астамын бидай (12,9 млн гектар) алып жатыр. Бұл соңғы жылдары егіс алқаптарының мөлшері жыл сайын орта есеппен 6%-ға өскенін көрсетеді. 2022 жылдың 6 айында Қазақстанда жалпы өсімдік шаруашылығы өнімінің физикалық көлемі өткен жылдың осы кезеңімен салыстырғанда 38%-ға өсіп, 83,9 млрд теңгені құраған. Ал былтыр егістік алқаптарының көлемінің ұлғайғанына қарамастан өндіріс көлемі ауа райының қолайсыздығынан төмендеген.
26 Шілде, 2022
Биржадағы белсенділік біркелкі емес
Маусым айында АІХ-тегі («Астана» халықаралық қаржы орталығының биржасы) сауда-саттықтың көлемі 16 444 269 долларды құрап, мамырмен салыстырғанда 2,2 есе артты. Бұған борыштық құралдар бойынша сауда белсенділігінің артуы, «Қазатомөнеркәсіптің» және Kaspi.kz-тің жаһандық депозитарлық қолхаттары мен акциялары бойынша сауда көлемінің артуы себеп болды.
26 Шілде, 2022
Әлемде маймыл шешегі өршіп барады
Бұрын Африка елдерінде ғана кездесетін маймыл шешегі кең таралып, бүгінгі таңда бұл инфекцияны жұқтырған адамдар әлемнің көптеген тұсында анықталып жатыр. Жағдайдың бұлай ушығуы жаһандық ауқымда алаңдаушылық тудырып, Дүниежүзілік денсаулық сақтау ұйымы маймыл шешегінің өршуін бүкіл әлемде төтенше жағдай деп жариялады. Бұл – эпидемияға немесе пандемияға әкелуі мүмкін қауіптің ең жоғары деңгейі.
26 Шілде, 2022
Шаңырағы шайқалып, ажырасып жататын ерлі-зайыптылардың арасында жазықсыз бала қалатыны – бүгінгі күннің ең ащы шындығы. Мемлекет басшысы Қасым-Жомарт Тоқаев биылғы жылды Балалар жылы деп жариялағаны да қоғамның осы қорғансыз мүшелерінің құқын қорғауға басымдық беруді көздесе керек. Осыған орай Үкімет отбасы институтын нығайту жолдарын қарастырып жатса да, баласынан безген көкек-аналар мен алимент төлеуден жалтарған қашқын-әкелердің саны азаяр емес.
26 Шілде, 2022
Балаларды қолдауға 2,5 млрд теңгеден астам қаржы бөлінді. Бұл сомаға осы жылдың бірінші жартысында Samruk-Kazyna Trust әлеуметтік жобаларды дамыту қоры 18 мыңға жуық балаға арналған қайырымдылық жобаларын жүзеге асырды. Жобалар денсаулық сақтау, білім беру, бұқаралық спорт салаларына, сондай-ақ халықтың әлеуметтік осал топтарына бағытталды.
26 Шілде, 2022
«Алаш» мектебі: Аңыз бен ақиқат
Қазақстан тарихындағы ақтаңдақтардың бірі – Екінші дүниежүзілік соғыс жылдарындағы тұтқындар мен Түркістан легионында қызмет еткендер тағдыры. Әрине, олар жайында мәлімет өте аз. Түркістан легионы туралы 1968 жылы С.Шәкібаевтың «Үлкен Түркістанның күйреуі» атты кітабы шығып, кейін 1972 жылы орыс тілінде жарық көрді. Тәуелсіздік жылдары Түркістан легионы жөнінде Амантай Кәкеннің «Түркістан легионы», филология ғылымдарының кандидаты, доцент Бақыт Садықованың «История Туркестанского легиона в документах» атты еңбегі жазылғанын атап өтуге болады. «Тамұқтан өткен тағдыр» атты деректі әңгіме кітабындағы басты кейіпкерлер Екінші дүниежүзілік соғыстың ақтаңдақ бетінен өз орнын ойып алатын қайраткерлер екенін тарихтың өзі дәлелдеп берді.
26 Шілде, 2022
Қаламгер Александр Островскийдің атақты пьесасының кейіпкері Миша Бальзаминов: «үйлену – ұлы іс» дейтіні бар. Шығарманы оқып отырып, жазушы неге шаңырақ көтерген екі жастың қадамына сонша маңыз берді екен деп ойлайсыз?! Сөйтсек, отбасын құруға үлкен дайындықпен келмесеңіз, маздаған махаббатыңыз аздық етеді екен. Қазіргі қоғамдағы ахуалға қарап сіз де оған анықтама бере аласыз. Ежелгі славян халықтарының бұл үрдісте өзінің мәдени жоралғысы болған, дәл қазақ халқы секілді.
26 Шілде, 2022
Бауыржанның батасы: Жұрт жарыса таратқан ақпараттың ақ-қарасы
Кеңес Одағының Батыры, әйгілі әскери стратег, даңқты жауынгер жазушы Бауыржан Момышұлының өміріне қатысты кез келген дерек оқырманды бейжай қалдырмасы анық. Бірер жылдың бедерінде ер Баукеңнің батасын сайттар мен әлеуметтік желілерде жарыса жазғандар аз болған жоқ Алайда олар ақиқатын жазды ма? Осы мәселеге қатысты батырдың немере інісі Бекет Момынқұлға хабарласқан едік...
26 Шілде, 2022
Арғы-бергі қазақта ана тіліміздің қадір-қасиетін құрметтеп, жан-жақты сипаттап, түсіндіріп айтқан тұлға – Ахмет Байтұрсынұлы. Ахаңның 1926 жылы жазған «Әдебиет танытқыш» атты еңбегін оқығандар: тіл қисыны, тіл дәлдігі, тіл тазалығы, тіл анықтығы, тіл көрнектілігі хақында қажетін артығымен өтейтін ғылыми дәріс алады. Десем де, осы ұлы еңбекке ден қойып жүргеніміз шамалы. Ахаңның сонда «...Бірақ тілді жұмсай білетін адам табылуы қиын» дегені, өкінішке қарай, әлі ескірген жоқ.
26 Шілде, 2022
Композитор Серікжан Әбдінұровпен тығыз араласуым жұмыс бабында басталған еді. Мен зейнет демалысына шыққаннан кейін астанадағы Музыка академиясына ұстаздық қызметке ауыстым. Осы оқу орнында менің ежелгі досым әнші, Қазақ КСР-нің еңбек сіңірген әртісі, профессор Қанат Омарбаев қызмет істейтін. Бір күні ол менің кабинетіме келді. Біраз шүйіркелесіп, сөйлескеннен кейін маған көкейінде мазалап жүрген ойын айтты. Бірде пойызда келе жатып, бір орысша журналдан оқыған шығармасы ойынан кетпейтінін баяндады.
26 Шілде, 2022
Бұл – бізге беймағлұм бөтен әлем. Бақыт та, тамаша да, мүмкін санасын дүние торлаған еркіндік те, көңіл ізгілік іздеген өмір де сонда шығар. Ғажайып бір айлы түн! Ай астындағы ақ ұлпадай қалқыған алакеуім түстік көкжиек, айға шағылысқан тұңғиық көктегі сирек жұлдыздар. Мүмкін күндердің күнінде біз де сонда болатын шығармыз. Кім біледі?!
26 Шілде, 2022
Депозиттер бойынша ең жоғары мөлшерлеме көтерілді
Кеше Қазақстан Ұлттық банкі базалық мөлшерлемені 14,5% ұлғайтқан болатын, деп хабарлайды Egemen.kz.
26 Шілде, 2022
Әр балаға 12 720 теңгеден жәрдемақы төленеді
Жыл басынан бері көпбалалы отбасыларға берілетін мемлекеттік жәрдемақымен орта есеппен 501,5 мың отбасы қамтылды, оның ішінде маусым айында 516,7 мың отбасыға 31,6 млрд теңге жәрдемақы төленген, деп хабарлайды Egemen.kz.
26 Шілде, 2022
Азаматтығы жоқ адамдар саны азаяды
Осыдан екі жыл бұрынғы мәлімет бойынша 2014 жылдан бері Қазақстанда азаматтығы белгісіз 6 мың адам анықталған. Ал осы жылғы статистика аталған адамдар саны 9000-нан асқанын көрсетіп отыр. Алайда мамандар бұл көрсеткіш келер жылдары төмендейтінін айтады.
26 Шілде, 2022
Ливиядағы ахуал әлемді алаңдатып отыр. Араб мемлекеттері Лигасының Бас хатшысы Ахмед Әбу Гайт оңдағы қақтығыстар аймақ елдері үшін алаңдаушылық туғызатынын атап өтті.
26 Шілде, 2022
Жер телімін онлайн сатып алуға болады
Барлық қызмет жедел цифрланып жатыр және бұл өзгерістен үлкен деңгейдегі сауда-саттық та құралақан емес. Мәселен, қазіргі уақытта банк қосымшаларының көмегімен көлікті сату, сатып алу, есептен шығарудың еш қиындығы болмай қалды. Онлайн ипотека да енгізіліп жатыр. Келесі кезек жер телімдерінде сияқты. Мамандардың айтуынша, онлайн-аукцион арқылы жер телімін сатуды қалыптастыру процесті ашық етеді және бұл саладағы жемқорлықты азайтады.
25 Шілде, 2022
Баянауыл басынан бұлт кетер ме... Таулы өлкедегі туризм қашан оңалады?
Баянауыл жері – сан ғасырлық тарихы бар, аты аңызға айналған алыптар мен ғұламалардың, қасиет тұнған әулиелердің елі. Бірақ бүгінгі мақсат – киелі өлкенің қадір-қасиетін мадақтап, ұлықтауды емес, ондағы кенже қалып тұрған туризм саласының мәселелерін ашып айту. Көрікті мекеннің інжу-маржанына айналған «Жасыбай» демалыс аймағындағы кәсіпкерлердің мәселелерімен бөлісу. Шынын айтқанда, Жасыбай көлінің жағасы бүгінде жүдеп тұр. Тек жаздың үш айында ғана қызмет көрсететін демалыс үйлеріне қатысты мәселе көп. Қонақүйлер келушілердің көптігіне төтеп бере алмай қалады. Оның үстіне курорттық мекенде инфрақұрылым мәселелері шешімін таппаған.
25 Шілде, 2022
Мемлекетімізді қант мәселесі әлі де әбігерге салуда. Өзімізде өндірілетін өнімнің мұнша қымбаттауына халық наразы. Сол өкпенің дені Жетісу өңіріне бағытталғаны жасырын емес. Елімізде ірі 4 қант зауыты болса, оның 2-еуі осы облысқа тиесілі. Әйтсе де, облыста шекердің бағасы шарықтап тұр. Көксу қант зауыты қант қызылшасын да, шикі қамысты да өңдейді. Ақсудағы өнеркәсіпте жөндеу жұмыстары жүріп жатыр. Ал тұралап тұрған Алакөлдегі зауыт әлі кезегін күтуде. Дәл дүкендегі тұтынушылар секілді.
25 Шілде, 2022
Киберқылмыс: Абайлаңыз, алаяқ телефон шалып тұр...
Бұрындары «кісі өлтіріпті» деген криминалды ақпараттарға селк ете қалатын едік. Қазір интернет алаяқтардың айласынан үркетін болдық. Он мың теңгеге тақырға отырғызса «садақа» дейсің-ау. Ал миың қорытып үлгермейтін миллиондар жайлы әңгіме бөлек. Жылдар бойы баспана бақытын сезіну үшін тірнектеп жинаған қаражаттан бір күнде айырылып қалу... Ешкімнің басына бермесін!
25 Шілде, 2022
Техникалық мамандықтарға грант көп бөлінді
Кәсібің – нәсібің. Бір кәсіпті игеру үшін, әлбетте, оқу орнында оқып, диплом алу керек. Бұл ретте мемлекет жас қазақстандықтарға тегін білім алуына жағдай жасап отыр. Сөзімізге дәлел болсын, биыл жоғары білім алуға бөлінген мемлекеттік грант саны рекордтық көрсеткішке жетті. Бұл былтырғымен салыстырғанда шамамен 17 мыңға көп.
25 Шілде, 2022
