Қазақстандық «Барыс» хоккей клубы Гагарин Кубогының плей-офф кезеңінің бірінші раундында Магнитогорск «Металлургіне» қарсы сериядағы бесінші матчтан ұтылды, деп хабарлайды Egemen.kz.
Ресейлік клуб жарысты өз алаңда 3:1 есебімен ұтты.
Бірінші кезеңнің соңындаі Семен Кошелев «Барыстың» қақпасына шайба соқтырды.
Ойынның екінші бөлігі нөлдік тең есеппен аяқталды.
Үшінші кезеңнің 47-ші секундында «Барыс» ойыншысы Кирилл Савицкий есепті теңестірді. Алайда, «Металлургтің» ойыншысы Анатолий Никонцев командасын алға жетеледі.
Матчтың 51-минутында Денис Зернов 3:1 есебімен ойынның қорытынды нүктесін қойды.