Президент Қасым-Жомарт Тоқаевтың баспасөз хатшысы Берік Уәли Премьер-министрдің орынбасары болып тағайындалған Қанат Бозымбаевтың қандай мәселелерге жетекшілік ететінін айтты, деп хабарлайды Egemen.kz.
«Мемлекет басшысының жарлығымен Қазақстан Республикасы Премьер-министрінің орынбасары болып тағайындалған Қанат Алдабергенұлы Бозымбаев өңірлік саясат, тұрғын үй-коммуналдық шаруашылық, төтенше жағдайлар және су ресурстары мәселелеріне жетекшілік ететін болады», деп жазды ол.
Еске салайық, бүгін, 31 наурызда Қанат Бозымбаев Премьер-министрдің орынбасары болып тағайындалды. Ол бұрынғы атқарған лауазымы – Президенттің көмекшісі қызметінен босатылды.