Қарағанды-Астана тас жолында Баймырза мен Ошағанды ауылдарының аралығында қарлы боран салдарынан 40 көлік жолда қалды, деп хабарлайды Egemen.kz.
Ауа райының бұзылуына байланысты келесі республикалық маңызы бар автожолдарда көліктердің барлық түрінің қозғалысына шектеу қойылған:
Қарағанды облысында «Қызылорда - Жезқазған - Қарағанды - Шідерті» автожолының 970-1135 шақырым аралығы (Қарағанды қаласынан Павлодар облысының шекарасына дейін). Павлодар облысында «Қызылорда - Жезқазған - Қарағанды - Шідерті» автожолының 1135-1206 шақырым аралығы (Қарағанды облысының шекарасынан Шідерті ауылына дейін). Аталған жолдарды 2025 жылғы 14 ақпан сағат 08:00-де ашу жоспарланған.