Біріккен Араб Әмірліктерінің Фуджейра қаласында өткен таеквондодан жасөспірімдер арасындағы әлем чемпионаты өз мәресіне жетті. Аталған байрақты бәсекеде Қазақстан құрамасы жоғары нәтижеге қол жеткізіп, 5 бірдей медаль еншіледі, деп хабарлайды Egemen.kz.
Ел қоржынына алтын жүлдені 61 келіге дейінгі салмақта өнер көрсеткен Хамзаальпер Ромашкин мен 65 келіден жоғары салмақтағы Жантөре Сағынғали салды. Сонымен қатар, 57 келіге дейінгі салмақта Аятжан Әмірханов күміс медаль иеленсе, Алла Цой (47 кг) мен Аида Ғожалымова (51 кг) қола жүлдеге қол жеткізген.
Айта кетейік, жалпыкомандалық есепте Қазақстан 87 мемлекеттің арасынан үздік үштікке еніп, екінші орынға жайғасты.