Панамадағы Хикарон аралында ақбетті капуцин маймылдары біртүрлі мінез көрсете бастады. Олар басқа түрге жататын рева маймылдарының ұрпағын ұрлап, бірнеше күн бойы арқаларына асып жүретінді шығарған.
Бұл құбылыс 2022 жылы орман камераларынан байқалған. Алғаш болып жас капуцин – Джокер есімді маймыл баланы тартып алған. Кейін бұл әрекетті тағы төрт капуцин қайталаған, барлығы 11 рева маймылының ұрпағы осылай ұрланған. Көп жағдайда балалар тірі қалмайды. Ғалымдар бұл рева маймылдарының жойылып кетуіне әкелуі мүмкін деп дабыл қағып отыр.