Алматыда қоғамдық автобустың қатысуымен жол апаты болды, деп жазады Egemen.kz.
Жол апаты Алатау ауданында 14 шілде күні, сағат 18: 10-да болған. Борандай тасжолымен шығыс бағытта жүріп келе жатқан жүк көлігі қатар жүрген Mercedes және Kia көліктеріне соқтығысқан. Онымен қозғалыс қарқыны тоқтамай жолдың қарама-қарсы бетіне шығып, қоғамдық автобуспен, Subaru көлігімен соқтығысқан.
Қалалық полиция департаменті жол апатынан 23 адам зардап шегіп, медициналық көмекке жүгінгенін хабарлады.
Жол апатына байланысты тергеу жұмыстары басталған.