Президенттің 2024 жылғы Жолдауын және өзге де тапсырмаларын жүзеге асыру шеңберінде «Таза Қазақстан» экологиялық бастамасы басталғалы елімізде 1 мыңнан астам экологиялық акция өткізіліп, оған 10,4 млн-нан астам адам қатысты, оның ішінде 586 мыңы ерікті, деп жазады Egemen.kz.
«Жалпы 1,6 млн тоннадан астам қалдық жиналып, 859,6 мың га аумақ тазартылды», деп нақтылады Экология және табиғи ресурстар министрі Ерлан Нысанбаев.
«Таза Қазақстан» бастамасы азаматтардың жүйелі көзқарасы, саяси ерік-жігері мен белсенді қатысуы нақты жемісін бере алатынын көрсетті. Ел тұрақты экологиялық даму бағытын айқындап алға басады, бастама әрбір тұрғынның қоршаған орта үшін жауапкершілік мәдениетін қалыптастыру үшін берік негіз жасайды.