Ерекше білім беру қажеттілігі бар балалар үшін білімнің қолжетімділігін қамтамасыз ету және сапасын арттыру мақсатында еліміздің мектептерінде 1093 қолдау кабинеті жұмыс істейді, деп хабарлайды Egemen.kz.
Оқу-ағарту министрлігінің мәліметінше, аталған кабинеттерде психологтар, арнайы және әлеуметтік педагогтер, сондай-ақ педагог-ассистенттер ерекше білім беру қажеттілігі бар балаларға қолайлы жағдай жасап, оларды мектеп ортасына бейімдеуге көмектеседі.
Бүгінде өңірлерде 270 психологиялық-педагогикалық түзету кабинеті (ППТК) және 110 психологиялық-медициналық педагогикалық кеңес (ПМПК) ашылған.