АҚШ-тың Допингке қарсы агенттігі (USADA) UFC-дің бұрынғы екі дүркін чемпионы Конор Макгрегорға қатысты шешімін жариялады. UFC жұлдызы үш рет биологиялық үлгілерді тапсырмағандықтан, оған 18 айлық дисквалификация тағайындалды, деп хабарлайды Egemen.kz.
Ережеге сәйкес, UFC спортшылары кез келген уақытта орналасқан жері туралы толық әрі нақты мәлімет беруге міндетті. Бұл талап алдын ала ескертусіз сынама алу мүмкіндігін қамтамасыз етеді. Макгрегор 2024 жылы үш рет, яғни 13 маусымда, 19 және 20 қыркүйекте биологиялық үлгілерін тапсырмаған.
Айта кетерлігі, Макгрегор тергеу кезінде толық ынтымақтастық орнатып, кінәсін мойындаған. Оның ашықтығы мен жағдайын ескере отырып, ұйым стандартты 24 айлық жазаны алты айға қысқартқан.
Осылайша, Макгрегордың дисквалификация мерзімі 2024 жылдың 20 қыркүйегінен басталып, 2026 жылдың 20 наурызында аяқталады.