Газа қаласында ХАМАС қозғалысы қарсыластарына қарсы репрессиялық операция жүргізіп, кемінде 32 адамның өмірін қиды. Бұл оқиға Израильмен жасалған атысты тоқтату келісімінен бірнеше күн өткен соң болды, деп хабарлайды Egemen.kz.
Euronews агенттігінің мәліметінше, қарулы қақтығыстар кезінде 32 адам қаза тауып, ондаған адам жараланған. ХАМАС шамамен екі мың сарбазын жұмылдырған, ал өз тарапынан алты жауынгерінен айырылғаны жайлы деректер бар, бірақ бұл ақпарат ресми түрде расталмаған.
Қозғалысқа бағынышты Ішкі істер министрлігі атысты тоқтату келісімінен кейін тәртіпті сақтау мақсатында 7 мыңға жуық қауіпсіздік күшін Газа аумағына орналастырған. Дегенмен сарапшылардың пікірінше, бұл шаралар билікті сақтап қалуға бағытталған ішкі қысымның көрінісі болуы мүмкін.
Израиль тарапы болса, болашақ бейбіт келісім аясында ХАМАС-тың толықтай қарусыздануын және таратылуын талап еткен.