Атырау қаласындағы Көкарна шағын ауданының тұрғыны Талғат Назаров 9 қаңтарда үйінен шығып, хабар-ошарсыз кеткен, деп жазады Egemen.kz.
Атырау қалалық полиция басқармасының мәліметіне қарағанда, жоғалған ер адам биыл күзде 60 жасқа толуы керек.
Атырау облысындағы ерлі-зайыптының өлімі: күдіктіге іздеу жарияланды.
«Талғат Таубайұлы 2026 жылғы 9 қаңтарда күндізгі сағат 13:30 шамасында үйінен шығып, осы кезге дейін кері оралмаған. Оның бойы 170-175 см, арық денелі, шашы қысқа қиылған, қара түсті. Үстіне қара күртеше, қара шалбар, аяғына қара етік киген. Эпилепсия дертімен ауырады», деп хабарлады полиция басқармасынан.
БҚО-да мемлекетаралық іздеуде жүрген күдікті қолға түсті.
Қазір жоғалған ер адамды жан-жақты іздестіру жұмысы жүргізіліп жатыр.
Айта кетейік, Қазақстан Айгүл Сайлыбаеваның күйеуі мен енесіне іздеу жариялады.