Желіде тараған бейнежазбадан бір топ адамның Мемлекеттік туды өртеп, Елтаңбаны балғамен сындырып жатқанын көруге болады, деп хабарлайды Egemen.kz.
Мемлекеттік рәміздерге қатысты өрескел әрекет Павлодар қаласындағы Мәшһүр Жүсіп орта мектебінде тіркелген. Қалалық білім беру бөлімі аталған видео 5 ақпан күні түсірілгенін мәлімдеді. Оқу ұйымының қызметкерлері Мәдениет және спорт министрінің 2023 жылғы 8 маусымдағы №137 бұйрығына сәйкес әрекет еткен.
Мемлекеттік Туды қорлаған 4 адамға сот шешімі шықты
«Мектеп комиссиясы ұлттық стандарттар мен техникалық талаптарға сәйкес келмейтін заттарды жою бойынша жұмыс жүргізді. Бұл процедура тиісті актімен ресімделген. Аталған іс -әрекеттерді бейнетіркеу тек қызметтік мақсатта жүргізілді және таратуға арналмаған», деп хабарлады Павлодар қаласының білім бөлімінен.
Әлгі бейнежазбаның әлеуметтік желіде қалайша тарап кеткені белгісіз. Іс-шараларды ұйымдастыру және өткізу тәртібіне тиісті бақылаудың болмауына байланысты мектеп басшысына қатаң сөгіс түрінде тәртіптік жаза қолданылған.
Мемлекеттік туды мазақ еткендер жауапқа тартылады
Павлодар облысы