Uzbekistan Airways әуе компаниясы 29 наурыздан бастап Ташкент – Атырау бағыты бойынша жаңа тұрақты рейсті іске қосады, деп хабарлайды Egemen.kz.
Жаңа әуе қатынасы екі ел арасындағы көлік байланысын нығайтып, жолаушыларға ыңғайлы әрі жылдам қатынау мүмкіндігін береді. Бұл бағыт әсіресе іскерлік сапарлар, туризм және туыстарға бару үшін тиімді болады.
Рейстер аптасына екі рет – дүйсенбі және жұма күндері орындалады.
АҚШ-қа тікелей әуе рейсін ашу мақсатында елімізге Boeing 787 Dreamliner ұшақтары жеткізіледі
Мамандардың айтуынша, бұл жаңа бағыт Қазақстан мен Өзбекстан арасындағы экономикалық және туристік ынтымақтастықты дамытуға оң әсерін тигізеді. Сонымен қатар, жолаушылар үшін балама бағыттардың көбеюі әуе сапарларын қолжетімді әрі ыңғайлы етеді.