Халықаралық электрбайланыс одағы (ITU) – 2025 жылғы деректеріне сәйкес, жоғары тұтынуға арналған мобильді байланыс тарифтерінің құны (140 минут, 20 SMS және 5 ГБ интернет) ЕАЭО мен Орталық Азия елдері арасында айтарлықтай айырмашылық көрсетеді.
Ең арзан тариф Өзбекстанда тіркелген – айына 2,32 доллар. Одан кейін Қырғызстан (2,87 доллар) және Беларусь (4,99 доллар) орналасқан.
Ал Қазақстанда мұндай тарифтің орташа бағасы 11,8 долларды құрап, өңірдегі ең қымбат елдердің бірі болды. Одан да жоғары көрсеткіш тек Түрікменстанда тіркелген – 51,4 доллар.
ITU деректеріне сәйкес, Қазақстанда мобильді интернет бағасы соңғы жылдары тұрақты өсіп келеді:
2022 жылы – 7,44 доллар
2023 жылы – 8,89 доллар
2024 жылы – 11,14 доллар
Сонымен қатар, Қазақстанның Ұлттық статистика бюросы мәліметі бойынша, мобильді тарифтердің бағасы бір жылда шамамен 10%-ға артқан.
Ұлттық қауіпсіздік комитеті интернет және киберсалада бақылауды күшейтеді
Интернет сапасы бойынша Қазақстан өңірде көш бастап тұрса да, соңғы айларда жылдамдықтың төмендеуі байқалады. Speedtest Global Index деректеріне сәйкес, 2026 жылдың наурызында мобильді интернеттің орташа жылдамдығы 93,68 Мбит/с болып, алдыңғы айлармен салыстырғанда азайған.
Салыстырмалы түрде, Өзбекстан мен Қырғызстанда жылдамдық біртіндеп өсіп отыр.
Айта кетейік, осыған дейін Премьер-министрдің орынбасары – Жасанды интеллект және цифрлық даму министрі Жаслан Мәдиев елімізде мобильді интернеттің орташа жылдамдығы 75%-ға артқандығын айтқан болатын.
