Әскери оқу орындарындағы жаңа мамандықтар

Алғаш рет Қазақстан Республикасының әскери жоғары оқу орындарында курсанттар үшін жаңа мамандықтар енгізілді.  Ал бүгінде жыл сайын әскери жоғары оқу орындарына 1 000-ға жуық азамат оқуға түседі.  Кадет корпусында немесе жоға­ры оқу орындарында болсын әскери оқу орындарындағы мамандықтардың тізбесі қайта әзірленді.  Алғаш рет 2016-2017 оқу жылында Әуе қор­ға­нысы күштері Әскери инсти­туты­ның базасында әскери-меди­циналық факультетте оқыту басталады. Құрлық әскерлерінің Әскери инс­титутында «Әскери істегі менедж­мент», «Әскери істегі логистика», «Әскери істегі юриспруденция» секілді мамандықтар ашылды. Радиоэлектроника және байланыс Әскери-инженерлік институтында «Әскери істегі радиоэлектроника және байланыс» мамандығы пайда болды.  Ол мамандық бойынша білім алғаннан кейін түлектер әскери салада ғана емес, сонымен бірге, азаматтық қызметте де жұмыс істей алады. Бүгінде әскери білім қарқынды дамуда.  Оқыту бағдарламасына әскери әдеп, көшбасшылық және әс­кери істегі басқару стилі сияқ­ты пәндер енгізілді. Бұл  кур­сант­тардың жеке тұлғасын, көш­басшылық қасиеттері мен мінез-құл­қын қалыптастыратын факторлар болып табылады. Жыл сайын Қазақстанның әскери жоғары оқу орындарының курсанттары шетелдерде тағылымдамадан өтеді. Тәжірибе жинақтап, өздерінің біліктілігін арттырады. Бүгінгі таңда 2016 жылдың 15 маусымына дейін жалғасатын оқуға түсу үшін құжаттарды қабылдау жүріп жатыр. Әскери жоғары оқу орындарының курсанттары үшін оқуға арналған барлық жағдай, яғни толық әлеуметтік жиынтық, тегін оқу және тұру қарастырылған. Барлық түлек оқуды аяқтағаннан кейін 100 пайыз жұмыспен қамтылады.   «Егемен-ақпарат»