Қосымша шығындар талап етілмейді

Кеше Мәжіліс Спикері Бақтықожа Ізмұхамбетовтің төрағалығымен Мәжіліс бюросы өтті, деп хабарлады осы палатаның баспасөз қызметі. Онда алдағы жалпы отырыс­тың күн тәртібі қаралып, ха­лық қалаулылары талқысына «Тәуелсіз Мемлекеттер Дос­­тас­­тығына қатысушы мем­лекет­тердің аумақтарында бірлескен жедел-тергеу топтарын құру тәртібі және олардың қызметі туралы келісімді ратификациялау туралы» заң жобасын ұсыну жос­парланып отыр. Бұл келісім 2015 жылғы 16 қазанда Бура­бай кентінде жасалған. Онда тарап­тар­дың құзыретті органдарының іс жүр­гізуін­дегі екі және одан көп тараптың аума­ғында дәлелдемелерді ұсыну не процес­тік әрекеттерді және жедел-іздестіру іс шараларын жүргізу қажет болатын қылмыстық іс­тер бойынша өзара байланысты қылмыс­тар­­ды ашу және тергеп тексеру үшін тарап­тар­дың аумақтарында бірлескен жедел-тер­геу топ­тарын құру, олардың қыз­ме­ті жә­не қыз­­метін тоқтату мәселелерін реттеу көзделеді. Келісім ратификацияланған жағдайда оны іске асыру теріс әлеуметтік-эконо­микалық жә­не құқықтық салдарға әкеліп соқ­тырмайды, сондай-ақ, ре­спу­б­ликалық бюджеттен қосымша шығындарды талап етпейді.