Иракта «Реал» клубының жанкүйерлері қаза тапты

АСТАНА. 30 мамыр. Ирактың Баакуба қаласында содырлар футболдан Чемпиондар лигасының финалын тамашалап жатқан «Реал» клубының жанкүйерлерін атып тастады. Бұл туралы egemen.kz тілшісі хабарлады. Содырлар футбол жанкүйерлері теледидардан «Реал» мен «Атлетико» клубтарының арасындағы матчты қарап жатқанда ғимаратқа баса көктеп кіріп, 12 адамды атып тастап, 8 адамды жарақаттады. Соның кесірінен 18 бен 30 жас аралығындағы жастар қаза тапты. Қазір тәртіп сақшылары жанкүйерлерге оқ жаудырған содырларды іздестіріп жатыр. Әзірше нәтиже жоқ. Содырлар оқиға орнынан ізін суыптай, қашып кеткен. Осы қылмысқа Қазақстанда тыйым салынған ДАИШ террористік ұйымының  қатысы болуы мүмкін делінуде. Өйткені, аталған ұйымның жауыздары бұған дейін Балал қаласында «Реал» клубының жанкүйерлеріне оқ атқан болатын. 13 мамырда содырлардың қолынан 16 адам қаза тапқан. Соның 12-сі Испания командасының жанкүйерлері болған. Дастан Кенжалин. Дерек, фото: eurosport.ru