Германияда атыстан 15 адам қаза тапты

[caption id="attachment_52674" align="aligncenter" width="700"] Фото: ria.ru[/caption] Германияның Мюнхен қаласындағы сауда орталықтарының бірінде атыс болды. РИА «Новости» ақпарат агенттігінің ақпарына сәйкес, оқыс оқиғадан кем дегенде 15 адам қаза тауып, он шақтысы жараланған. Ал Германияның ішкі істер министрлігі 3 адамның оққа ұшқанын ресми түрде мәлімдеді. Жергілікті полиция күдіктінің әлі ғимарат ішінде екенін мәлімдеді. Осыған байланысты тәртіп сақшылары тұрғындардың қауіпсіз аймаққа кетуін ескертті. Бірнеше бағыт бойынша метро қозғалысы уақытша тоқтатылды. Сол сияқты қалада көлік қозғалысына шектеу қойылды. Алғашында оқ атқан жалғыз адам әрі оқиға орнынан ізін суытып үлгергендігі туралы ақпарат тараған. Алайда, полиция қызметкерлерінің айтуынша, олар бірнешеу болуы мүмкін. Қазіргі таңда Мюнхен қаласында арнайы операция жұмыстары жүргізілуде. «Куәгерлер полиция бөлімшесіне Ханауэрштрассе көшесінде белгісіз біреулердің атыс ұйымдастырғаны, артынша Рисштрассе көшесінде және «Олимпия» сауда орталығында жалғасқаны туралы хабарлаған болатын», – деді құқық қорғаушылардың бірі. Аян ӘБДУӘЛИ