Футболдан жастар арасындағы Еуропа біріншілігінің іріктеу кезеңіне жеребе тартылды

Швейцарияның Ньон қаласында 2019 жылы Италия жерінде өтетін жастар арасындағы Еуропа біріншілігінің іріктеу кезеңіне жеребе тартылды. Оның қортындысы бойынша Қазақстан құрамасы тоғызыншы топқа түсті. Бұл туралы vesti.kz хабарлады. Қазақстан құрамасымен бірге бір топқа Франция, Словения, Черногория, Болгария, Люксембург құрамалы бар. Жеребе барысында УЕФА-ға мүше 54 ел (Косово мен Гибралтар да бар) алты-алтыдан тоғыз топқа тең бөлінді. Ал Италия құрамасы турнирдің қабылдаушы ел болғандықтан тікелей жолдама алады. Жеребе тарту үшін командалар УЕФА-ның коэффицентіне қарай алты себетке бөлінді. Қазақстан құрамасы алтыншы себетке түскен еді. Айта кетейік, Еуро-2019 турнирінің іріктеу кезеңі 2017 жылдың мамырында басталып, 2018 жылдың қазан айында бітеді. Ал қосымша жолдамаға мүміндік беретін тоғыспа кездесулер 2018 жылдың қарашасына белгіленген.