77 700 шиден Тәж-Махал мавзолейін жасады

Осыдан 6-7 жыл бұ­­рын Талдықор­ған қа­ласында тұратын Айбек Бауыр­жан­ұлы орта мектепті бітіріп, ар­хи­тектура институтына құжаттарын тап­сырды. Алайда, бұл мамандықты қалағандардан шығар­ма­шылық жұмыс талап етіледі екен. Ондай жұмыс Айбек­те болмай шықты. Ләж жоқ, кө­­кейіндегі архитектор болсам деген арманын ма­шина жасау мамандығына айырбастап, Қ.Сәтбаев атындағы ҚазҰТУ-дың студенті атанды. Бірақ қа­лай да архитектор болам деген мақсат оны студенттік шақтың ал­ғаш­қы кү­нінен шиден мешіт жасау ісіне алып келді. Жасар ісінің үлгісі ре­тінде әлемнің әйгілі кереметтерінің бірі, мәң­гілік махаббат сим­волы болып санала­тын Үндістандағы Тәж­-Ма­хал кесенесін ал­ды. Бұл айтуға оңай бол­ға­нымен, шеберлікті, із­денімпаздықты, ең ақыры көз майын та­уы­сып отырып жұ­мыс іс­теуді талап ете­тін еді. Ал­ғашқы жұ­мыс­тары сәт­сіздікке ұшы­­раған кез­дері көп болды. Бірақ Айбек ал­­ған бетінен қайт­па­­­ды, төзімділік пен ше­берлікті қажет ететін ма­шақатты жұмысқа төрт жылын арнады. Нә­тижесінде, алғашқы ар­хитектуралық жұ­мы­­сы өмірге келді.Би­­­іктігі 85 см, ауданы 120х120 см болатын шиден жасалған мұсылман өнерінің маржаны «Тәж­-Махалды» аяқтап шық­ты. Оған 77 700 сі­рің­ке шиі жұ­м­салды. Жо­ғары су­реттегі көрер көз­ге кемшіліксіз тұр­ғы­зылған ши-сарайдың салтанатына қарата сын айту тіптен де мүмкін емес секілді. Бүгінде Айбек оқуын бітіріп, дипломын қо­лына алған жас маман. Қызмет істейді. Қазір ол Астанамыздағы «Әзірет Сұлтан» мешітінің ма­кетін жа­сау­ды ойы­на алып, дайындық жұ­мыс­тарын жасауда. Сөз соңында мы­на бір мәселеге оқыр­ман­дардың назарын ау­дар­ғымыз келеді. Бұл күндері әлемнің 23 елі­нде арнайы редакциясы мен өкілдіктері бар Гиннестің рекордтар кітабы дүние жүзі бойынша 100 мемлекетте 23 тілде басылады екен. Бұл кітапқа енгісі келген рекорд жасаушы адамның жас мөлшеріне шектеу жоқ. Ереже бойынша, жасалған реко­р­дты видеоға түсі­ріп, монтаждамай кітаптың редак­циясына жіберу ке­рек. Рекорд жасар алдында Гиннес кі­та­бының ар­найы комиссиясын да шақыруға бо­­лады. Бірақ комиссияның ке­лу жолын, тамағын жә­не жатар орнын ша­қырушылар төлеуі тиіс деп жазылған. Олай болса, жас маманның осы бір керемет туындысын неге әлемге әйгілі кі­тапқа ұсынбасқа. Ол үшін қалталы ел аза­мат­тары қолұшын бе­ріп, арнайы комиссия мү­шелерін шақыртуға кететін шығындарды кө­теріп алса, нұр үстіне нұр болар еді.