Болашаққа бастайтын сенім көпірі

Қалыптасқан дәстүр бойынша, жылдың басын­да қазақстандықтар Ел­басының кезекті Жолдауын күтеді. Жалпы, жолдау көп­теген елде бар, бірақ Қазақ­стан Президенті Н.Назарбаев Жолдаудың ерекше формасын жасады – ол барша халыққа арнал­­­ған. Өзінің мағынасы бо­йын­ша Қазақ­стан халқына Жолдау бел­гілі бір демократиялық басқару фор­ма­сын береді. Одан кейін халық­тың келешекке басшылар құрған жос­парға қатынасы анықталады. Мы­салы, ел өзінің алдына қойылған ең биік мақсаттарына жету үшін мем­ле­кетте және қоғамда қандай ерек­ше­ліктер болатындығы, қандай кезең­дерден өтетіні деген секілді. Пре­зи­денттің әр Жолдауы құжат әрі бағдар­лама және өмірдің шынайы тыныс-тіршілігі қамтылғандықтан, кешегі, бүгінгі, ертеңгі өміріміздің нақты айнасы. Жыл сайынғы Жолдау үйлесімді сұлба бойынша тұрғызылады: басында Президент өткен жыл бо­йынша жеткен жетістіктерді жет­кізеді және келелі мәселелерге тоқ­талады. Содан кейін Үкіметке және Парламентке уақыттары және басқа параметрлері белгіленген нақ­ты тапсырмалар береді. Жыл бойы Қазақ­стан қоғамы Елбасының тапсырмаларының орындалып жат­қан­дығын көріп отырады – бұл заңдардағы өзгерістер, Үкіметтегі шешімдер, орталық және жергілікті атқарушы органдардың іс-әрекеті. Әр Жолдау мемлекеттік орган­дардың басшылары, Парламент және әр деңгейдегі мәслихат­тар депу­таттары, қоғам өкілдері, бұқаралық ақпарат құралдарының араласуымен түсіндіріліп отыра­ды. Сондықтан біздің қоғамда Үкі­мет­тің және жергілікті атқару­шы ор­ган­дардың іс-әрекеті алдағы мін­дет­тер­ді орындауға бағытталғанды­ғ­ы­на, Елбасы Жолдауының көзде­ген мақс­атының өміршеңдігіне, эконо­миканы көтеруге, қауіпсіз­дікті бекітуге және халық өмірінің жақсаруына бағытталғанына сенім зор. Әр жолғы Жолдауда жыл сайын жеткен жетістіктерді есепке ала отырып, қоршаған ортаны шынайы өзгерту үшін келесі кезеңге жаңа тапсырмалар қояды. Дүние жүзінде көптеген елдердің экономикасында дағ­дарыс, жұмыссыздық және қоғам­дық қарбалас болып жатқан кезде, Жолдауда жүктелген міндеттер мен тапсырмалар жүзеге асырылып, Қазақстан өзіндік даму жолын лайықты жалғастырып келеді. Дүние жүзіндегі қаржылық-экономикалық дағдарыс кезінде Қазақстанда же­дел­детіп дамыту бағдарламалары қабыл­данды, көптеген жаңа өндіріс орындары ашылды, өңірлердегі инфрақұрылымдар жақсарды. Маңғыстау облысының төтенше жағдайлар департаментінің басшы­лығы осыдан шамалы уақыт бұрын қалалық және аудандық төтенше жағдайлар бөлімшелеріне шықты және жеке құрам алдында Мем­лекет басшысының «Қазақстан­ның Үшінші жаңғыруы: жаһандық бәсекеге қабі­леттілік» атты Жол­дауын түсін­діріп қайтты. Түсін­діру жұмыс­тары бары­сында азаматтық қорғау қыз­меткерлеріне Мемлекет басшы­сының Жолдауымен бірге, «Қазақстан-2050» Стратегиясы­ның және «100 нақты қадам» Ұлт жоспарының негізгі басымдық­тары туралы да айтылды, сон­дай-ақ, сыбайлас жемқорлықпен күрес, денсаулық сақтау, білім беру және азаматтарды әлеуметтік қор­ғау, Төтенше жағдайлар комитеті шең­берінде табиғи және техноген­дік сипаттағы халықты, аумақты қор­ғау­ды қамтамасыз етудегі ба­сым мақсат­тар мен тапсырмалар жеткізілді. Әрбір салада жүргізіліп жатқан жұмыстардың қайнар көзі мен бас­тауы да, одан әрі дамуы мен жаң­ғыруы да Елбасының жыл сайынғы Жол­дауларында жатқаны анық. Қуанар БАЗАРБАЕВ, Маңғыстау облысы төтенше жағдайлар департаментінің бастығы, азаматтық қорғау полковнигі Маңғыстау облысы