Референдум өткізудің қажеттігі жоқ – Елбасы

Астанада өтіп жатқан Парламент палаталарының бірлескен отырысында Мемлекет басшысы  Қазақстан Республикасының Конституциясына өзгерістер мен толықтырулар енгізу туралы заң жобасын Парламенттің қарауына ұсынды. «Депутаттардан заңдарға сәйкес барлық процедураларды сақтай отырып, заң жобасын қарауды сұраймын. Конституцияда негізгі заңды өзгертудің екі варианты қарастырылған. Бүкілхалықтық референдум арқылы немесе Парламентте талқылау. Мемлекеттік басқарудың, адам құқықтары мен бостандықтарының негізгі мәселелері өзгермейтіндіктен, көп шығынмен референдум өткізудің қажеттігі жоқ. Сондықтан мен заң жобасын халық сайлаған депутаттық корпустың қарауына ұсынуды жөн санадым. Депутаттық корпус бұл бұл жұмысты ойдағыдай атқарады деп сенемін. Барлығымыздың мақсатымыз бір – мемлекеттік басқару жүйесін бұдан да тиімді әрі тұрақты ету», деді Нұрсұлтан Назарбаев.