Оқытушыларға арналған IT-тренинг

Тех­ни­калық және кәсіптік білім беру меке­ме­лерінің оқытушылары үшін Samsung инновациялық академиясында ар­найы тренинг өтті. Оған Алматы қала­сын­да ор­на­ласқан 15-ке жуық колледж оқыту­шы­лары қатысып, білімдерін толықтырып қайтты. ІТ-тренингтен өткен оқытушылар сту­денттермен жаңа форматта жұмыс істеп қана қоймай, ІТ саласындағы білімдерін арттырып, ақпаратты өздігінен іздеу дағдысын дамыта түспек. Жаңа пән еңбек нарығының өзекті талаптарына негізделе отырып, өндірісте білім жинаудың әлемдік тәжірибесіне сәй­кес жасалған екен. Бағдарлама мақсаты – халық­қа және түрлі кәсіпорындарға сандық теле­ди­дарларды, мобильдік құрылғыларды, прин­терлер мен өнеркәсіптік желдеткіш жүйелерді жөнд­еу бойынша сервистік қызметтер ұсына­тын жоғары білікті мамандар дайындап шы­ғару. 2015-2016 оқу жылының екінші жарты­жылдығында әл-Фараби атындағы ҚазҰУ-дың техникалық колледжінде сынақтан өт­кен жаңа пәнді Орталық Азия техникалық-эконо­микалық колледжінің (ОАТЭК) оқу-әдістемелік кешендерін әзірлеген оқытушылары оқытпақ. Практикалық білім алуға мүмкіндік беретін заманауи техникалық және қосарлы жаб­дық­тармен жабдықталған Samsung зертханасында студенттер түрлі техникаларды жөндеуден өткізу тетіктерін, тұтынушылармен жұмыс істеу ережелерін үйренеді. «Тұрақты дамуға ықпал ету» қоғамдық қорының білім беру бағдарламалары жөніндегі сарапшысы Наталья Анисимованың айтуынша, тренинг ел дамуының жаңа стра­те­гиясына сай әзірленген. «Елбасы биыл­ғы Жолдауында еліміздегі білім беру сала­сындағы инновациялық әдістемелерге қатысты ойын айқын атап өткен болатын. Оқыту жүйелерін, білім беру интеграциясын, ғылым мен өндірісті дамыту, сондай-ақ, жұмыс берушілер мен әлеуметтік серік­тестер­мен өзара байланыс арқылы техникалық және кәсі­би білім беруді дамыту аса маңызды фак­тор болып табылады», дейді Наталья Михайловна. Мира БАЙБЕК, «Егемен Қазақстан» АЛМАТЫ