Қысқы Универсиада ойындары жабық деп жарияланды

Алматыда 28-ші Бүкіләлемдік қысқы Универсиаданың жабылу салтанаты өтті. «Қайырлы кеш, Алматы! Қысқы Универсиаданы жоғары деңгейде өткізгені үшін ҚР Президенті Нұрсұлтан Назарбаевқа және ұйымдастыруға атсалысқан барша халыққа FISU халықаралық студенттер спорты федерациясының атынан алғысымды білдіргім келеді. Алматы қаласының әкімі Бауыржан Байбекке және спорт сүйер қауымға көп рахмет. Универсиаданың тарихында бұған дейін осыншама көрерменді көрмеген едім. Сіздерге көп рахмет!», - деді Халықаралық студенттер спорты федерациясының басшысы Олег Матыцин. «Алматыда өткен қысқы Универсиада-2017 үлкен тәжірибе жинауымызға септігін тигізді. Олай болса, барлықтарыңызды байрақты бәсекенің жабылу салтанатымен құттықтаймын. 28-ші Бүкіләлемдік қысқы Универсиаданы ресми түрде жабық деп жариялаймын!» - деп қорытындылады Олег Матыцин.