Назарбаев Үкімет мүшелері мен ұлттық компания басшыларын Ақордаға жинады

Қазақстан Президентінің төрағалығымен экономиканың жеделдетілген технологиялық жаңғыртылуының мәселелері жөніндегі кеңес өтті. Жиынға Үкімет басшысы, Ұлттық банк төрағасы, үкімет мүшелері, Астана қаласы әкімі, ұлттық холдингтер мен компания және ірі кәсіпорындар басшылары қатысты.  Шарада”Үшінші жаңғыру: жаһандық бәсекеге қабілеттілік” Жолдауында айтылған экономиканы жедел жаңғырту мәселесі талқыланды. Сонымен қатар, негізгі салаларды технологиялық жаңғырту мен сандық технология мәселесі сөз болды. Сөз соңында Елбасы бірқатар тапсырмалар берді.