Журналға Қазақстанның Түркиядағы елшісі Абзал Сапарбекұлының «Классик жазушы», Еуразия Жазушылар қауымдастығының төрағасы Якуб Омароғлының «Анасына ескерткіш тұрғызған жазушы», жазушы Мархабат Байғұттың «Шыңдағы Шерағаң», жазушы Нұрғали Ораздың «Қазақтың ұлттық манифесті», журналист Талғат Сүйінбайдың «Шерағаңа сыр ақтарып қайтқанда...», түрік қаламгері Емруллах Өздемирдің «Түркіге ортақ туынды» атты мақалалары, Ш.Мұртазаның «Ай мен Айша» романы және «Қызыл Жебе» роман-эпопеясының үзінділері енді. Материалдарды түрік тіліне аударып, баспаға дайындаған жазушы Мәлік Отарбаев.
Еске сала кетейік, мемлекеттік және қоғам қайраткері Шерхан Мұртаза биылғы жылы «Түркі әлемі әдебиетіне қосқан үлесі үшін» арнайы сыйлығымен марапатталған еді.
Сондай-ақ, қазақтың белгілі әдебиет сыншысы, көрнекті қаламгері Сағат Әшімбаевтың 70 жасқа толуына орай, журналдың бұл арнайы санында жазушы Ғаббас Қабышұлының «Асықпай жүрген емес» атты мақаласы түрік тілінде жарық көрді.
Мира Байбек,
«Егемен Қазақстан»
АЛМАТЫ
